జమీయతే అహలే హదీస్ యువత ఆధ్వర్యంలో ఉచిత వైద్య శిబిరం
1 min readపల్లెవెలుగు వెబ్ హొళగుంద: స్వాతంత్ర దినోత్సవ సందర్భంగా హోళగుంద పట్టణంలో స్థానిక తేరు బజారు నందు జమీయతే అహలె హదీస్ యువత ఆధ్వర్యంలో ఉచిత వైద్య శిబిరం నిర్వహిస్తున్నట్టు జమియతే అహాలే హదిస్ యువత తెలిపారు. ఈ సందర్భంగా జాతీయ జెండాను ఆవిష్కరించి, వైద్య శిబిరం ప్రారంభమవుతుందని తెలిపారు. ఈ వైద్య శిబిరంలో ప్రముఖ గైనకాలజిస్టులు, ఈ ఎన్ టీ, మరియు దంత వైద్య నిపుణులు వైద్య సహాయం అందిస్తారని తెలిపారు. ఇ సి జి, గర్భిణీ మరియు స్త్రీ సంబంధిత సమస్యలు మొదలగు వ్యాధులకు ఉచిత వైద్య సహాయం అందించి ఉచితంగా మందులు పంపిణీ చేయడం జరుగుతుందని తెలిపారు. అదేవిధంగా ఆరోగ్యశ్రీ వర్తించే వ్యాధులకు మెరుగైన చికిత్స కొరకు సిఫార్సు చేయడం జరుగుతుందని ఉచిత మెడికల్ క్యాంప్ నిర్వాహకులు అబ్దుల్ రహిమాన్, ఖాదర్, తాహెర్,అమీర్,అమాన్,జాకీర్ లు తెలిపారు. హోలగుంద మండల ప్రజలు ఈ సువర్ణ అవకాశాన్ని సద్వినియోగం చేసుకోవాలని కోరారు.
About Author
