‘నాడు–నేడు’ పనులు పరిశీలించిన జేసీ–3

పల్లెవెలుగు వెబ్​, కర్నూలు: మన బడి నాడు – నేడు పనుల్లో నాణ్యత లోపించకుండా ఇచ్చిన గడువులోగా సత్వరమే పనులు పూర్తి చేయాలని సంబంధిత అధికారులకు జేసీ–3 (ఆసరా మరియు సంక్షేమం)ఎంకేవీ శ్రీనివాసులు ఆదేశించారు. గురువారం పసుపుల గ్రామం యంపిపియస్ స్కూల్ లో జరుగుతున్న మన బడి నాడు – నేడు పనులను జేసీ ఆకస్మికంగా పరిశీలించారు. నిర్మాణ పనులు మరియు ఇతర పనులు ఎంత వరకు కంప్లీట్ చేశారో సంబంధిత అధికారులను అడిగి తెలుసుకొని త్వరితగతిన నిర్మాణపనులు పూర్తి చేయాలని జేసీ ఆదేశించారు. ఈ వారం రోజులు తానే ప్రతి స్కూల్ ను స్వయంగా సందర్శించి నిర్మాణ పనులు పరిశీలిస్తానని, సకాలంలో పనులు పూర్తి చేయకుండా అలసత్వం వహిస్తే సహించేది లేదని జెసి హెచ్చరించారు. ఈ కార్యక్రమంలో డీఈఓ సాయిరాం, ఎంఈఓ, ఏఈ, స్కూల్ పేరెంట్స్ కమిటీ సభ్యులు, తదితరులు పాల్గొన్నారు.

About Author

PALLEVELUGU

See author's posts