కంగన ఆన్‌ ఓటీటీ
1 min read
సినిమా డెస్క్ : వరుస సినిమాలతో బిజీగా ఉన్న బాలీవుడ్‌ ఫైర్‌‌బ్రాండ్‌ కంగన రనౌత్‌ ఓటీటీలో అడుగుపెడుతోంది. త్వరలో ఆమె ఓ రియాలిటీ షో చేయబోతోంది. అమెరికన్‌ టెలివిజన్‌ షో ‘టెంప్టేషన్‌ ఐల్యాండ్‌’ని ఓ ప్రముఖ ఓటీటీ సంస్థ హిందీలోకి తీసుకొస్తోంది. దానికి హోస్ట్‌గా కంగనాను ఎంపిక చేశారు. ఆమె కూడా సైన్‌ చేసిందని తెలిసింది. త్వరలోనే షూట్‌ కూడా మొదలుపెడతారట. ఈ షోలో సింగిల్‌గా ఉన్నవాళ్లు, జంటలు తమ బంధాలను పరీక్షించుకోడానికి, వాటిని మరింత బలపరచుకోడానికి ప్రయత్నించే ప్రోగ్రామ్ ఇది. ఈ షో కాస్త బోల్డ్‌గానే ఉంటుంది. కాంట్రవర్సీలు కూడా క్రియేటయ్యే చాన్స్‌ కూడా ఉంటుంది. ప్రస్తుతం కంగన నటించిన ప్యాన్‌ ఇండియా మూవీ ‘తలైవి’ రిలీజ్‌కి రెడీగా ఉంది. థాకడ్‌, తేజాస్, ఎమర్జెన్సీ మూవీలు చెయ్యాల్సింది ఉంది. మరి మాటల్ని తూటాల్లా పేల్చే కంగన ఈ షోని ఎలా రక్తి కట్టిస్తుందో చూడాల్సిందే.
About Author
