‘విక్రమార్క’ గా కార్తికేయ
1 min read
సినిమా డెస్క్ : గుమ్మంకొండ కార్తికేయ హీరోగా నటిస్తున్న సినిమా ‘రాజా విక్రమార్క’. శ్రీ సరిపల్లి దర్శకుడు. యాక్షన్ ఎంటర్ టైనర్ గా రూపొందుతున్న ఈ చిత్రంలో ఎన్ఐఏ ఆఫీసర్ గా నటిస్తున్నాడు కార్తికేయ. బక్రీద్ సందర్భంగా ఈ సినిమా నుండి స్పెషల్ పోస్టర్ రిలీజ్ చేశారు. ఇందులో ముస్లిం యువకుడిలా తలకు తెల్లని టోపితో ఉన్నాడు కార్తికేయ. ఈ లుక్‌ చూస్తుంటే తన డ్యూటీలో భాగంగా ఏదో మిషన్ కోసం ఇలా మారువేషంలో ఉన్నట్టు తెలుస్తోంది. కోలీవుడ్‌లో పలు చిత్రాల్లో నటించిన తాన్యా రవిచంద్రన్ ఈ సినిమాతో టాలీవుడ్ ఎంట్రీ ఇస్తోంది. సుధాకర్ కోమాకుల, సాయి కుమార్, తనికెళ్ళ భరణి ఇతర ముఖ్యపాత్రల్లో నటిస్తున్నారు. ఇప్పటికే షూటింగ్ పూర్తయింది. ప్రస్తుతం పోస్ట్ ప్రొడక్షన్ వర్క్ జరుగుతోంది. త్వరలో రిలీజ్‌కి ప్లాన్ చేస్తున్నారు.
About Author
