NEWSNEDU

NEWSNEDU | Telugu Latest News | KURNOOL AP

ప్ర‌కాశ్ రాజ్ కు కేసీఆర్ ఆఫ‌ర్ !

1 min read

ప‌ల్లెవెలుగువెబ్ : ప్ర‌ముఖ న‌టుడు ప్ర‌కాశ్ రాజ్ కు తెలంగాణ సీఎం కేసీఆర్ కీల‌క బాధ్య‌త‌లు అప్ప‌గిస్తార‌న్న ప్రచారం జ‌రుగుతోంది. ఇటీవ‌ల ముంబై ప‌ర్య‌ట‌న సంద‌ర్భంగా సీఎం ఉద్ద‌వ్ థాక్రే, ఎన్సీపీ నేత శ‌ర‌ద్ ప‌వార్ తో సీఎం కేసీఆర్ భేటీలో ప్ర‌కాశ్ రాజ్ కేసీఆర్ తో పాటు ఉన్నారు. దీంతో ఊహాగానాలు మొద‌ల‌య్యాయి. రాజ్యసభ సభ్యుడు బండి ప్రకాశ్ తన పదవికి రాజీనామా చేసి ఎమ్మెల్సీ అయ్యారు. దీంతో ఆ స్థానం ఖాళీ అయ్యింది. జూన్‌లో టీఆర్ఎస్ రాజ్యసభ సభ్యులు కెప్టెన్ లక్ష్మీకాంతరావు, శ్రీనివాస్‌ల పదవీ కాలం ముగియనుంది. ఈ మూడు ఖాళీలకు ఒకేసారి నోటిఫికేషన్ వెలువడే అవకాశాలున్నాయి. ఈ ఖాళీల్లో ఒక సీటు ప్రకాశ్ రాజ్‌కు కేటాయించి టీఆర్ఎస్ తరఫున ఢిల్లీ రాజకీయాల్లో ఆయనకు కీలక బాధ్యతలు అప్పగిస్తారనే ప్రచారం జోరుగా సాగుతోంది. బీజేపీకి వ్యతిరేకంగా దక్షిణాదిలోని ప్రాంతీయ పార్టీలను ఏకంచేసే బాధ్యతలు కూడా ప్రకాశ్ రాజ్‌కు అప్పగిస్తారని తెలుస్తోంది.

                               

About Author