టెటె `కీ` పై కీల‌క అప్ డేట్
1 min read
ప‌ల్లెవెలుగువెబ్ : ఆంధ్రప్రదేశ్ లో ఆగస్టు 6వ తేదీ నుంచి 21వ తేదీ వరకు టీచర్‌ ఎలిజిబిలిటీ టెస్ట్‌(టెట్) ను నిర్వహించారు అధికారులు. అయితే.. ముందుగా విడుదల చేసిన షెడ్యూల్ ప్రకారం ఈ టెట్ కు సంబంధించిన ఫలితాలు ఈ రోజు అంటే సెప్టెంబర్ 14న విడుదల కావాల్సి ఉంది. టెట్ కు సంబంధించిన ఫైనల్ కీ సైతం ఇప్పటికే రావాల్సి ఉంది. ఈ నెల 12వ తేదీన టెట్ ఫైనల్ కీని వెబ్ సైట్లో విడుదల చేస్తామని అధికారులు ప్రకటించారు. కానీ ఇప్పటివరకు టెట్ కీని విడుదల చేయలేదు. ఈ రోజుల విడుదల కావాల్సి ఉన్న ఫలితాలపై సైతం ఇప్పటి వరకు ఎలాంటి ప్రకటన చేయలేదు అధికారులు. దీంతో ఫలితాలు ఈ రోజు విడుదల కావడం జరగకపోవచ్చని తెలుస్తోంది. విద్యాశాఖ అధికారులు టెట్ విషయంలో మొదటి నుంచి కూడా నిర్లక్ష్యం ప్రదర్శిస్తున్నారంటూ మండిపడుతున్నారు. ఈ రోజు టెట్ ఫైనల్ కీ విడుదల అయితే.. వారంలోగా ఫలితాలు విడుదలయ్యే అవకాశం ఉంది.
About Author
