‘ కిక్’ కొడితే.. పతకమే..
1 min read
రాష్ట్ర స్థాయి కిక్ బాక్సింగ్ పోటీలో ప్రతిభ చాటండి
- త్రినాథ్ కిక్ బాక్సింగ్ అకాడమి చైర్మన్ డా. త్రినాథ్
కర్నూలు, న్యూస్ నేడు: రాష్ట్ర స్థాయి కిక్ బాక్సింగ్ పోటీలో అత్యుత్తమ ప్రతిభ కనబరిచి జిల్లాకు బంగారు పతకాలు తీసుకురావాలని ఆకాంక్షించారు త్రినాథ్ కిక్ బాక్సింగ్ అకాడమి చైర్మన్ డా. త్రినాథ్ . కర్నూలు నగరం బి క్యాంపులోని శ్రీ లక్ష్మీ వెంకటేష్ కళ్యాణ మండపంలో శనివారం రాష్ట్ర స్థాయి కిక్ బాక్సింగ్ పోటీలు ఆసక్తి కరంగా జరిగాయి. వైసీపీ కర్నూలు జిల్లా అద్యక్షుడు ఎస్వీ మోహన్ రెడ్డి సతీమణి ఎస్వీ విజయ మనోహరి, టీడీపీ నాయకులు కేవీ సుబ్బా రెడ్డి కార్యక్రమానికి ముఖ్య అతిథులుగా పాల్గొని ప్రారంభించారు. పోటీలో ఎనిమిది జిల్లాలకు చెందిన దాదాపు 200 మంది క్రీడాకారులు పాల్గొన్నారు. అన్ని ఈవెంట్లలోనూ పోటీలు జరగనున్నాయి. ఈ సందర్బంగా డా. త్రినాథ్ మాట్లాడుతూ కిక్ బాక్సింగ్ లో కర్నూలు జిల్లాకు చెందిన క్రీడాకారులు ఉత్తమ ప్రతిభ కనబరిచాలన్నారు. క్రీడాకారులను ప్రోత్సహించేందుకు ఎల్లప్పుడు అండగా ఉంటానన్నారు. కార్యక్రమంలో కిక్ బాక్సింగ్ త్రినాథ్ అకాడమీ కోచర్ నరేంద్ర తదితరులు పాల్గొన్నారు.
About Author
