NEWSNEDU

NEWSNEDU | Telugu Latest News | KURNOOL AP

వాలంటీర్లకు వందనం.. ఘన సన్మానం

1 min read

పల్లెవెలుగు వెబ్ మిడుతూరు: మిడుతూరు మండల పరిధిలోని చింతలపల్లి,దేవనూరు సచివాలయాల్లో పనిచేస్తున్న వాలంటీర్లకు వందనంలో భాగంగా ఘన సన్మానం జరిగింది.దేవనూరులో మంగళవారం ఉదయం గ్రామ సర్పంచ్ ఓర్సు. హరిత,ఈఓఆర్డి ఫక్రుద్దీన్,పంచాయితీ కార్యదర్శి వీరారెడ్డి 10 మంది సేవా మిత్ర వాలంటీర్లను శాలువాలతో సన్మానిస్తూ ప్రశంసా పత్రాలను వారికి అందజేశారు.తర్వాత సాయంత్రం చింతలపల్లిలో జరిగిన వాలంటీర్లకు ఏఓ దశరథ రామయ్య,పంచాయతీ కార్యదర్శి వేల్పుల వినయ్ చంద్ర శాలువాలతో ఘనంగా సన్మానించారు.అంతేకాకుండా వాలంటీర్లు తమ విధులను అంకితభావంతో పని చేస్తూ పథకాలను ప్రజలలోకి తీసుకెళ్లినందుకుగాను ప్రభుత్వం సేవా మిత్రా వాలంటీర్లకు ప్రతి ఒక్కరికి పదివేల నగదు మీఅకౌంట్లలో జమ అవుతుందని ఈఓఆర్డి ఫక్రుద్దీన్,ఏఓ దశరథ రామయ్య అన్నారు.ఈకార్యక్రమంలో మండల కో ఆప్షన్ సభ్యులు పెద్దమౌలా,వైసీపీ నాయకులు నవాజ్ అలీ,షరీఫ్,రామ సిద్ధారెడ్డి,వెల్ఫేర్ అసిస్టెంట్ ప్రతాప్ తదితరులు పాల్గొన్నారు.

About Author