ఎమ్మెల్సీ ఎన్నికల్లో నిజాయితీ గా పోరాడే వారిని గెలిపించండి
1 min read
పల్లెవెలుగు వెబ్ నందికొట్కూరు: టీచర్ ఎమ్మెల్సీ అభ్యర్థి కత్తి నరసింహారెడ్డి, గ్రాడ్యుయేట్ ఎమ్మెల్సీ అభ్యర్థి పోతుల నాగరాజులను గెలిపించాలని అభ్యర్థించారు. నందికొట్కూరు సీపీఐ, ఏఐఎస్ ఎఫ్ నాయకులు రమేష్ బాబు, రఘురాం మూర్తి, శ్రీనివాసులు నందికొట్కూరు పట్టణంలో స్కూల్స్, ప్రభుత్వ కార్యాలయాలు, స్థానిక పోలీస్ స్టేషన్ లో ప్రచారం నిర్వహించారు. అనంతరం వారు మాట్లాడుతూ నిరుద్యోగ యువత కోసం, ఉద్యోగ, ఉపాధ్యాయుల హక్కులు, అధికారాలు, ఆత్మగౌరవం, సిపిఎస్‌ రద్దు, కాంటాక్ట్‌ ఉద్యోగులను రెగ్యులర్‌ చేయడం, రాయలసీమ సమగ్ర అభివృద్ధి, రాజకీయాలలో విలువలు, సామాజిక న్యాయం కోసం గ్రాడ్యుయేట్ ఎమ్మెల్సీ ఎన్నికల్లో పోతుల నాగరాజును గెలిపించాలని కోరారు. చదువుకున్న విద్యావంతులుగా ఓటును ఒక మంచి నాయకునికి వేయాల్సిన సమయం వచ్చిందన్నారు. ఈ కార్యక్రమం లో ఏఐటీయూసీ జిల్లా అధ్యక్షులు రఘురాంమూర్తి రాష్ట్ర కార్యదర్శి ఎం.రమేష్ బాబు, ఏఐఎస్ఎఫ్ జిల్లా అధ్యక్షులు ఎం.శ్రీనివాసులు,నాయకులు మహానంది,దినేష్,వినోదు తదితరులు పట్టభద్రులను, టీచర్స్ ను కోరారు.
About Author
