బ్రాహ్మణుల ఐక్యతను చాటుదాం
1 min read
9న ఆత్మీయ సమావేశం
పల్లెవెలుగు, కర్నూలు: బ్రాహ్మణులు రాజకీయంగా, సామాజికంగా, ఆర్థికంగా ఎదగాలని ఆకాంక్షించారు సముద్రాల హనుమంతరావు. బ్రాహ్మణులు ఎదుర్కొంటున్న సమస్యలు.. కష్ట సుఖాలను పంచుకునేందుకు ఈ నెల 9న ఆదివారం నగరంలోని మౌర్య ఇన్ ఫంక్షన్ హాల్లో ఆత్మీయ సమావేశం నిర్వహిస్తున్నామని, సమావేశానికి జిల్లాలోని అర్చకులు, వేదపండితులు, పురోహితులు హాజరు కావాలని కోరారు. శుక్రవారం నగరంలోని బ్రాహ్మణ ఐక్యవేదిక ఆఫీసు నందు సముద్రాల హనుమంత రావు మాట్లాడుతూ బ్రాహ్మణుల పిల్లలకు స్కాలర్షిప్లు ఇవ్వాలని, ఉద్యోగ అవకాశాలు కల్పించాలని తదితర అంశాలపై బ్రాహ్మణ పెద్దలతో చర్చించుకునే అవకాశం ఉంటుందన్నారు. కావున ప్రతి బ్రాహ్మణుడు సమావేశానికి హాజరు కావాలని కోరారు . సమావేశంలో బ్రాహ్మణ నాయకులు కంచు గంటల శ్యామ సుందర శర్మ, రవిచంద్ర శర్మ ఆనందరావు, శ్రీనివాసులు, సాయికుమార్, మారుతమ్మ, అధ్యక్షులు సండేలు చంద్రశేఖర్ తదితరులు పాల్గొన్నారు.
About Author
