మే డే ను ఘనంగా జరుపుకుందాం : ఏఐటీయూసీ
1 min read
పల్లెవెలుగు వెబ్ ఆళ్లగడ్డ : దేశవ్యాప్తంగా కార్మిక దినోత్సవాన్ని ఘనంగా జరుపుకునే శుభ సందర్భంగా మేడే కార్యక్రమానికి ఏఐటీయూసీ అనుబంధ సంఘాలు హాజరై జయప్రదం చేయాలని ఏఐటీయూసీ జిల్లా నాయకులు, సుంకన్న, తాలూకా నాయకులు భాస్కర్, ఏ ఐ టి యూసి అనుబంధ సంఘమైన అంగన్వాడి వర్కర్స్ అండ్ హెల్పర్స్ అసోసియేషన్ రాష్ట్ర కార్యవర్గ సభ్యులు చంద్రకళ, సుందర తిరుపాలమ్మ పిలుపునిచ్చారు. ఆళ్లగడ్డలోని ఎస్ టి యు కార్యాలయంలోగురువారం సమావేశమై పలు అంశాలను చర్చించారు. ఈ సందర్భంగా విలేకరులతో మాట్లాడుతూ కనీస వేతన చట్టాలు, కనీస కూలీ చట్టాలు సరైన క్రమంలో అమలయ్యే విధంగా కార్మిక సంఘాలు కృషి చేస్తున్నాయన్నారు. వివిధ కార్మికులు వారు చేస్తున్న పనులలో వేతనంతో పాటు భీమా తదితర ప్రభుత్వ సౌకర్యాలను అందించే విధంగా ఎప్పటికప్పుడు ఆయా కేంద్ర రాష్ట్ర ప్రభుత్వాలపై ఉద్యమాల చేపడుతున్నామన్నారు. సమావేశంలో అంగన్వాడి నాయకులు పద్మ సుమలత, నాగమణి,పద్మావతి,ఇందుమతి, తదితరులు ఉన్నారు .
About Author
