‘ లైఫ్ ఈస్ లవ్’ సక్సెస్ కావాలి
1 min read
– వెబ్సిరీస్ ట్రైలర్ను విడుదల చేసిన మాజీ ఎమ్మెల్యే ఎస్వీ దంపతులు
పల్లెవెలుగు వెబ్, కర్నూలు: కె.ఎఫ్.సి పిక్చర్స్ బ్యానర్ పై షాషా వలి ఎస్.జి. దర్శకత్వంలో ప్రభాకర్, మీనాక్షి నటీనటులుగా నిర్మించిన ” లైఫ్ ఈస్ లవ్” వెబ్ సిరీస్ విజయవంతం చేయాలని మాజీ ఎమ్మెల్యే ఎస్వీ మోహన్ రెడ్డి అన్నారు. ‘ లైఫ్ ఈస్ లవ్ ’ వెబ్ సిరీస్ ట్రైలర్ను మాజీ ఎమ్మెల్యే ఎస్వీ మోహన్ రెడ్డి, ఆయన సతీమణి విజయ మనోహరి బుధవారం వారి స్వగృహంలో విడుదల చేశారు. ఈ సందర్భంగా వారు మాట్లాడుతూ యువత లఘుచిత్రాలకు ఆసక్తి చూపుతున్నారని, వారిని ప్రోత్సహించాల్సిన బాధ్యత అందరిపై ఉందన్నారు. కర్నూలులో చలనచిత్ర రంగానికి మంచి రోజులు వచ్చే అవకాశం ఉందన్నారు. దర్శకుడు షాషావలి, టీమ్ సభ్యులు మంచి కథలతో ఉన్నత శిఖరాలను అధిరోహించాలని ఎస్వీ దంపతులు ఆకాంక్షించారు. కార్యక్రమంలో ఎడిటర్ & కెమరామెన్ దినేష్ బాబు, మీనాక్షిరెడ్డి, ప్రభాకర్, సతీష్, మల్లికార్జున, ఇర్ఫాన్ తదితరులు పాల్గొన్నారు.
About Author
