లుక్ అదరహో
1 min read
సినిమా డెస్క్ : సూపర్ స్టార్ మహేష్ ‘సర్కారువారి పాట’ కోసం అభిమానులు ఎంతగానో ఎదురు చూస్తున్న విషయం తెలిసిందే. సినిమా అప్‌డేట్‌ కోసం కూడా అంతగానే ఎదురు చూస్తున్న వారికోసం నేడు మహేష్ పుట్టినరోజు సందర్భంగా టీమ్ తన ఫోటోని రిలీజ్ చేశారు. ఈ స్టిల్‌లో స్మార్ట్ గా అలా టక్ చేసుకుని ఫార్మల్స్ లో టెక్ బాబులా కనిపిస్తున్న మహేష్ ని చూస్తుంటే కళ్లార్పడం కష్టమే. ‘అతను తెలివైనవాడు.. అతను స్లిక్ …అతను కఠినమైనవాడు.. అతను స్టైలిష్ ..! అంటూ పోయెటిక్ గా ఈ లుక్ ని పరిచయం చేశారు’ ఆగస్టు 9న సూపర్ స్టార్ పుట్టినరోజు సందర్భంగా సర్కారు వారి పాట నుంచి వరుస సర్ ప్రైజ్ లను ప్లాన్ చేయగా అంతకుముందే నిర్మాతలు ఈ లుక్ ని రివీల్ చేసి హీట్ పెంచారు. ఈ సోమవారం ఉదయం 9:09 గంటలకు సినిమా మొదటి బ్లాస్టర్ విడుదల కోసం అభిమానులు వేచి చూస్తున్నారు. సినిమాను సంక్రాంతి 2022 కానుకగా విడుదల చేయనున్నారు. ఈ చిత్రంలో కీర్తి సురేష్ కథానాయికగా నటిస్తోంది. పరశురామ్ దర్శకత్వం వహిస్తున్నారు.
About Author
