మాగంటి బాబుకు తీర‌ని వేద‌న.. చెట్టంత కొడుకులు..
1 min read
ప‌ల్లెవెలుగు వెబ్: టీడీపీ సీనియ‌ర్ నేత, ఏలూరు మాజీ ఎంపీ మాగంటి వెంక‌టేశ్వర‌రావు అలియాస్ మాగంటి బాబు రెండో కుమారుడు రవీంద్ర చౌద‌రి మృతి చెందారు. బంజారాహిల్స్ రోడ్ నెం 1 లో ఉన్న హ‌య‌త్ ప్లస్ హోట‌ల్ లో ఆయ‌న అనుమానాస్పద స్థితిలో మ‌ర‌ణించారు. ఆయ‌న‌కు లివ‌ర్ సిర్కోసిస్ స‌మ‌స్య ఉండ‌టంతో న‌గ‌రంలో చికిత్స కోసం వ‌చ్చారు. అయితే.. హోట‌ల్ గ‌దిని 4 గంట‌ల ప్రాంతంలో ఖాళీ చేయాల్సి ఉండ‌గా.. 6 గంట‌ల స‌మ‌యంలో హోట‌ల్ సిబ్బంది ఆయ‌న గ‌ది త‌లుపు త‌ట్టారు. ఆయ‌న ఎంత‌కీ గ‌ది త‌లుపు తీయ‌క‌పోవ‌డంతో తాళంతో గ‌ది త‌లుపు తీశారు. రూమ్ లోని బాత్ రూమ్ లో రవీంద్ర ప‌డిపోయి నిర్జీవంగా క‌నిపించారు. అత‌ని నోట్లో ర‌క్తం వ‌చ్చి ఆన‌వాళ్లు ఉన్నాయి. మాగంటి బాబు ఇచ్చిన ఫిర్యాదు మేర‌కు అనుమానాస్పద మృతిగా కేసు న‌మోదు చేసి విచార‌ణ జ‌రుపుతున్నారు. ఇటీవ‌లే మాగంటి బాబు పెద్ద కొడుకు రాంజీ కూడ మృతి చెందారు. ఇద్దరు కొడుకులు ఒక‌రి త‌ర్వాత ఒక‌రు మ‌ర‌ణించ‌డంతో మాగంటి బాబుకి తీర‌ని శోకం మిగిలింది.
About Author
