‘మలబార్’ సేవలు.. భేష్ : మేయర్ రామయ్య
1 min read
444 మంది విద్యార్థులకు స్కాలర్షిప్లు పంపిణీ
పల్లెవెలుగు వెబ్: బంగారు , వజ్రాభరణాల వ్యాపార సంస్థలలో ప్రపంచవ్యాప్తంగా గుర్తింపు పొందిన ‘మాలబార్ గోల్డ్ అండ్ డైమండ్స్’ సంస్థ సామాజిక సేవా కార్యక్రమాల్లో ముందుండటం అభినందనీయమన్నారు కర్నూలు నగర మేయర్ బీవై రామయ్య, కర్నూలు ఎమ్మెల్యే ఎంఏ హఫీజ్ఖాన్. సంపాదించిన దాంట్లో కొంతైనా సేవా కార్యక్రమాలకు ఉపయోగించాలని పిలుపునిచ్చారు. ఆదివారం కర్నూలు కలెక్టరేట్లోని సునయన ఆడిటోరియంలో 444 మంది విద్యార్థులకు స్కాలర్షిప్స్ పంపిణీ చేశారు. కార్యక్రమానికి ముఖ్య అతిథులుగా నగర మేయర్ బీవై రామయ్య, ఎమ్మెల్యే ఎంఏ హఫీజ్ఖాన్, ఐసీడీఎస్ పీడీ కె. ప్రవీణ విచ్చేశారు. ఈ సందర్భంగా మేయర్ రామయ్య, ఎమ్మెల్యే హఫీజ్ఖాన్ మాట్లాడుతూ కర్నూలు జిల్లా వ్యాప్తంగా 444 మంది ఇంటర్మీడియేట్ విద్యార్థినులకు మెరిట్ ఆధారంగా ఎంపిక చేసి… 43 లక్షలు అందజేయడం ప్రశంసనీయమన్నారు. భవిష్యత్ లో మరిన్ని సేవా కార్యక్రమాలు చేపట్టాలని ఈ సందర్భంగా నగర మేయర్ బీవై రామయ్య, ఎమ్మెల్యే ఎంఏ హఫీజ్ఖాన్ ఆకాంక్షించారు. అనంతరం కర్నూలు మలబార్ గోల్డ్ అండ్ డైమండ్స్ షో రూమ్ హెడ్ అస్నఫ్ మాట్లాడుతూ రాబోవు రోజుల్లో ఆంధ్రప్రదేశ్ మొత్తం మీద 5500 మంది విద్యార్థినులకు ఇంటర్మీడియేట్, డిగ్రీ మెరిట్ ఆధారంగా ఎంపిక చేసి రూ.8వేల నుంచి రూ.10వేల దాకా స్కాలర్ షిప్ ఇచ్చేందుకు తమ సంస్థ ముందుకు వచ్చిందన్నారు. కార్యక్రమంలో మార్కెటింగ్ మేనేజర్ నూర్ వుల్లా, సిబ్బంది తదితరులు పాల్గొన్నారు.
About Author
