వేంపల్లె పోలీసుస్టేషన్ వద్ద వ్యక్తి ఆత్మహత్యాయత్నం!
1 min read
పల్లెవెలుగువెబ్, కడప: వేంపల్లె ఎస్ఐ సుభాష్ చంద్రబోస్ వేదిస్తున్నాడంటూ రవికుమార్ అనే వ్యక్తి శుక్రవారం పోలీసుస్టేషన్ వద్ద ఆత్మహత్యాయత్నం చేశాడు. దీంతో అప్రమత్తమైన పోలీసులు, స్థానికులు హుటాహుటిన వేంపల్లె వైద్యశాలకు తరలించారు. ఇటీవల రాజీవ్నగర్లో ఓ ఇంటిపై జరిగిన దాడి కేసులు రవికుమార్ నిందితుడు. అయితే సదరు కేసుకు సంబంధించి పోలీసులు కోర్టు సమన్లు జారీ చేశారు. ఈక్రమంలో రవికుమార్ పోలీసుస్టేషన్కు వెళ్లి ఎస్ఐ తనను వేదిస్తున్నాడంటూ సూపర్వాస్మోల్–33 సేవించి ఆత్మహత్యాయత్నం చేశారు. దీంతో స్థానిక వైద్యశాలకు తరలించగా అక్కడి వైద్యులు ప్రధమచికిత్స అనంతరం మెరుగైన వైద్యం కోసం రెఫర్ చేశారు. దీంతో కడప రిమ్స్ వైద్యశాలకు తరలించారు. అయితే ఈ విషయంపై సీఐ వెంకటేశ్వర్లును వివరణ కోరగా ఎస్ఐ ఎలాంటి వేదింపులు చేయలేదని స్పష్టం చేశారు.
About Author
