NEWSNEDU

NEWSNEDU | Telugu Latest News | KURNOOL AP

అల్లూరులో విద్యుత్ షాక్ తో వ్యక్తి మృతి

1 min read

పల్లెవెలుగు, వెబ్​ నందికొట్కూరు: గొర్రెల కాపరి ప్రమాదవశాత్తు విద్యుత్ షాక్ కు గురై మృతి చెందిన ఘటన నందికొట్కూరు మండలం లోని అల్లూరు గ్రామంలో శనివారం చోటుచేసుకుంది.కుటుంబ సభ్యులు తెలిపిన వివరాలిలా ఉన్నాయి. అల్లూరు గ్రామానికి చెందిన రైతు గొల్ల ఆడేం బాలస్వామి (72) విద్యుత్ షాక్ తగిలి మృతి చెందారు.శనివారం గొర్రెలను కాచేందుకు కట్టపై ఉన్న తిప్పలకు వెళ్ళాడు. అక్కడ కిందకు వేలాడుతున్న విద్యుత్ తీగలను గమనించకపోవడంతో తీగలు తగిలి ప్రమాదానికి గురై అక్కకి అక్కడే మృతి చెందాడు. సమీపంలోని పొలాల్లో కూలీ పనులు చేస్తున్న కొందరు మహిళలు కుటుంబ సభ్యులకు సమాచారం అందించారు.కుటుంబ సభ్యుల ఫిర్యాదు మేరకు పోలీసులు కేసు నమోదు చేసుకుని మృతదేహాన్ని పోస్టుమార్టం నిమిత్తం నందికొట్కూరు సామాజిక ఆరోగ్య కేంద్రానికి తరలించారు.

About Author