మీడియా రంగం.. కీలకం…
1 min read
సీనియర్ కార్డియాలజిస్ట్ డా. వసంత కుమార్
- ‘పల్లెవెలుగు’ క్యాలెండర్ను ఆవిష్కరించిన వైద్యులు
కర్నూలు, పల్లెవెలుగు:ప్రస్తుత సమాజంలో మీడియా రంగం కీలకంగా మారిందన్నారు శ్రీ విజయ దుర్గా ఆస్పత్రి ఎండి, సీనియర్ కార్డియాలజిస్ట్ డా. వసంత కుమార్. శుక్రవారం గాయత్రి ఎస్టేట్లోని శ్రీ విజయ దుర్గా ఆస్పత్రిలోని ఆయన ఛాంబరులో ‘పల్లెవెలుగు’ దినపత్రిక క్యాలెండర్ను ఆవిష్కరించారు. ఈ సందర్భంగా డా. వసంత కుమార్ మాట్లాడుతూ ప్రస్తుత సమాజంలో మీడియా రంగం ఆధునిక టెక్నాలజీ ఉపయోగించుకోవాలని సూచించారు. నిజాలు నిర్భయంగా రాసే మీడియాను ఎప్పుడూ ప్రజలలో ఆదరణ ఉంటుందన్నారు. నగరంలో గాయత్రి ఎస్టేట్లో కొన్నేళ్లుగా శ్రీ విజయ దుర్గా కార్డియక్ సెంటర్లో తక్కువ వ్యయంతో ఎంతో మందికి గుండె సమస్యలకు సంబంధించి ఆపరేషన్లు చేశామన్నారు. ఎందరికో ఉచిత వైద్య శిబిరాలు నిర్వహించి అనాథలకు, వృద్ధులకు ఉచిత చికిత్సలు అందజేశామన్నారు. రాయలసీమ ముఖ ద్వారమైన కర్నూలులోనే ఆధునిక టెక్నాలజీతో గుండెకు సంబంధించి శస్ర్తచికిత్సలు చేస్తున్నామని, హైదరాబాద్, బెంగుళూరు తదతర దూరపు ప్రాంతాలకు వెళ్లాల్సిన అవసరం లేదన్నారు. పేద, మధ్య తరగతి కుటుంబీకులకు తక్కువ వ్యయంతోనే శస్ర్తచికిత్సలు చేస్తామని ఈ సందర్భంగా సీనియర్ కార్డియాలజిస్ట్ డా. వసంత కుమార్ వెల్లడించారు.
About Author
