NEWSNEDU

NEWSNEDU | Telugu Latest News | KURNOOL AP

ఓబులంపల్లిలో…2న ఉచిత వైద్యశిబిరం

1 min read

పల్లెవెలుగు వెబ్​: చెన్నూరు మండలం గుర్రంపాడు గ్రామపంచాయతీ లోని ఓబులంపల్లి గ్రామంలో లక్ష్మీనారాయణ హాస్పిటల్ నందు ముండ్ల నారాయణరెడ్డి గారి ఆధ్వర్యంలో డిసెంబర్ రెండవ తేదీన శుక్రవారం ఉదయం 8 గంటల నుంచి సాయంత్రం నాలుగు గంటల వరకు ఉచిత కంటి పరీక్షలు ఉచిత కంటి ఆపరేషన్లు నిర్వహిస్తున్నట్లు కమిటీ నిర్వాహకులు తెలిపారు. ఈ వైద్య శిబిరంలో బద్వేల్ పట్టణానికి చెందిన దివంగత బిజీ వేముల వీరారెడ్డి చారిటబుల్ ట్రస్ట్ కంటి వైద్యులు డాక్టర్ రవి కుమార్ రెడ్డి. డాక్టర్ పంక జనాభ, డాక్టర్ ప్రదీప్ కుమార్, డాక్టర్ శాంతి, వైద్య సిబ్బంది వారిచే కంటి వైద్య శిబిరం నిర్వహిస్తున్నట్లు తెలిపారు. పరీక్షలు నిర్వహించిన అనంతరం కంటి ఆపరేషన్లు నిర్వహించడం జరుగుతుందన్నారు. కంటి పరీక్షలు చేయించుకున్న వారు ఒక మనిషిని తోడుగా తీసుకొచ్చుకోవాలని సూచించారు. అలాగే రెండు దుప్పట్లు వెంట తెచ్చుకోవాలని కోరారు. చెన్నూరు మండల ప్రజలతో పాటు ఇతర మండలాల ప్రజలు కూడా ఈ వైద్య శిబిరంలో పాల్గొనవచ్చని సూచించారు. ఈ అవకాశాన్ని సద్వినియోగం చేసుకోవాలని ముండ్ల లక్ష్మి శేఖర్ రెడ్డి, ముండ్ల శ్రీనివాసులరెడ్డి కోరారు.

About Author