‘అమీలియో’లో మెగా రక్తదానం
1 min read
పల్లెవెలుగు వెబ్, కర్నూలు: కరోన విపత్కర సమయంలో క్షతగాత్రులకు… బ్లడ్ క్యాన్సర్.. రక్తహీనతతో బాధపడే వారికి రక్తం అత్యవసరమని , అటువంటి వారిని కాపాడేందుకు ప్రతిఒక్కరూ రక్తదానం చేసేందుకు ముందుకు రావాలని పిలుపునిచ్చారు అమీలియో హాస్పిటల్ మేనేజింగ్ డైరెక్టర్ డా. సి. లక్ష్మిప్రసాద్ చాపె. ఆస్పత్రి స్థాపించి మూడు సంవత్సరాలు పూర్తి చేసుకున్న సందర్భంగా న్యూ లైఫ్ ఇండియా వారి ఆధ్వర్యంలో మెగా రక్తదానం శిబిరం నిర్వహించారు. శిబిరంలో దాతలు, యువకులు 60 మంది రక్తదానం చేశారు.
కరోన కష్టకాలంలో ప్రాణాలను ఫణంగా పెట్టి ప్రజలకు సేవ చేశామన్న ఆస్పత్రి ఎండీ డా.సి.లక్ష్మి ప్రసాద్ చాపె … ఎందరో ప్రాణాలను కాపాడి.. వారి ఆశీస్సులు పొందామన్నారు. ప్రజల మన్ననలు, ఆదరాభిమానం ఉన్నంత వరకు వైద్య సేవలు అందిస్తూనే ఉంటామన్నారు. ఆపదలో ఉన్న వారిని ఆదుకునేందుకు ఎల్లప్పుడూ ముందుంటామన్న డా.లక్ష్మి ప్రసాద్… ఇప్పటికే విద్యార్థులకు పుస్తకాలు, స్టైఫండ్, పేదలకు అన్నదానం తదితర సేవలు అందిస్తున్నామని ఈ సందర్భంగా గుర్తు చేశారు. కార్యక్రమంలో ఆస్పత్రి వైద్యులు, సిబ్బంది, దాతలు, యువకులు తదితరులు పాల్గొన్నారు.
About Author
