మైనర్​ బాలికది.. ఆత్మహత్యే..

– నిర్ధారించిన పోలీసులు, వైద్యులు
పల్లెవెలుగు వెబ్​, బనగానపల్లె: మండలంలోని యాగంటిపల్లెలో గురువారం రాత్రి తన నివాసంలో మృతి చెందిన అనూష(16)ది హత్యా.. ఆత్మహత్యా… అని ప్రజలు పలు సందేహాలు రేకెత్తిస్తున్న నేపథ్యంలో పోలీసులు క్లారిటీ ఇచ్చారు. డోన్​ డీఎస్పీ నరసింహారెడ్డి, డాక్టర్​ చరణ్​, బనగానపల్లె సీఐ ఎం. సురేష్​ కుమార్​ రెడ్డి, ఎస్​ఐలు కృష్ణమూర్తి, డి. మహేష్​ కుమార్​ శుక్రవారం మీడియా సమావేశంలో మాట్లాడారు. యాగంటిపల్లెలో జీఎన్​ఎస్​ఎస్​ కాలువ పనులు చేసుకుంటూ జీవనం సాగిస్తున్న ఓ దంపతుల కుమార్తె అనూష.. క్షణికావేశానికి లోనై ఆత్మహత్యకు పాల్పడిందన్నారు. కొన్ని కారణాలతో తండ్రి మందలించడంతో అనూష ఆత్మహత్య చేసుకున్నట్లు విచారణలో తేలిందన్నారు. శవపరీక్షలో కూడా ఆత్మహత్యగా కనిపిస్తోందని డా. చరణ్​ తెలిపారు. అనంతరం గ్రామ ప్రజలకు అవగాహన సదస్సు నిర్వహించారు.

About Author

NEWSNEDU

See author's posts