మృతి చెందిన వారికి నివాళులు అర్పించిన ఎమ్మెల్యే..
1 min read
పల్లెవెలుగు వెబ్ నందికొట్కూరు: మృతి చెందిన వారి ఇండ్లకు వెళ్లి వారి పార్థివ మృతదేహాలకు నందికొట్కూరు ఎమ్మెల్యే గిత్త జయసూర్య నివాళులు అర్పించారు.మంగళవారం ఉదయం నంద్యాల జిల్లా పగిడ్యాల మండల కేంద్రంలో గ్రామ మాజీ సర్పంచ్ గొల్ల గోవిందు అనారోగ్యంతో మరణించారు.విషయం తెలుసుకున్న ఎమ్మెల్యే జయసూర్య ఆయన పార్థివ దేహానికి ఎమ్మెల్యే మరియు దామోదర్ రెడ్డి,వాసురెడ్డి, వెంకటేశ్వర్లు యాదవ్ పూలమాలలతో నివాళులు అర్పించారు.తర్వాత మిడుతూరు మండల పరిధిలోని తిమ్మాపురం గ్రామంలో గ్రామ టిడిపి నాయకులు బన్నూరు వెంగల్ రెడ్డి తల్లి నారాయణమ్మ(95) మంగళవారం తెల్లవారు జామున మరణించారు.ఈమె మృతదేహానికి ఎమ్మెల్యే మరియు మాండ్ర సురేంద్రనాథ్ రెడ్డి,మండల టిడిపి కన్వీనర్ కాతా రమేష్ రెడ్డి,కడియం వెంకటేశ్వర్లు యాదవ్, భూపాల్ రెడ్డి,రమణారెడ్డి పూలమాలలతో నివాళులు అర్పించారు.ఇరువురు కుటుంబ సభ్యులతో ఎమ్మెల్యే మాట్లాడుతూ వారికి ధైర్యాన్ని ఇచ్చారు.
About Author
