నిరాడంబరంగా యంగ్ టైగర్ జన్మదిన వేడుకలు
1 min read
పల్లెవెలుగు వెబ్, కడప: విశ్వవిఖ్యాత, నటసార్వభౌమ, దివంగత నందమూరి తారక రామారావు మనవడు యంగ్ టైగర్ నందమూరి తారక రామారావు (జూనియర్ ఎన్టీఆర్) 39వ జన్మదిన వేడుకలను గురువారం నిరాడంబరంగా జరుపుకున్నారు కడప నగర ఎన్టీఆర్ అభిమాన సంఘం నాయకులు. కోవిడ్ నిబంధనలను అనుసరించి అభిమాన నటుడు జూ.ఎన్టీఆర్ జన్మదినోత్సవంను పురస్కరించుకుని కడప నగర ఎన్టీఆర్ అభిమాన సంఘం అధ్యక్షులు పి. రామారావుయాదవ్ అధ్యక్షతన కేక్ కట్ చేశారు. కడప పాత రిమ్స్ లో గల ఆదరణ నిరాశ్రయుల వసతి గృహం లో జరిగిన కార్యక్రమంలో సంఘం నగర అధ్యక్షుడు రామారావు యాదవ్ మాట్లాడుతూ అభిమాన నటుడు జూ.ఎన్టీఆర్ తన జన్మదిన వేడుకలను జరుపుకోరాదని పిలునిచ్చారని, అందుకే సేవా కార్యక్రమం నిర్వహించామన్నారు.
ఈ సందర్భంగా వసతి గృహంలో అన్నదానం కార్యక్రమం ఏర్పాటు చేశారు. అంతకు ముందు అభిమాన నాయకుడు నందమూరి తారక రామారావు ఎల్లవేళలా ఆయురారోగ్యాలతో సంతోషంగా ఉండాలని పూజలు చేసినట్లు ఆయన తెలిపారు ఈ కార్యక్రమంలో అభిమానులు సునీల్,హర్ష , సుబ్బరాయుడు, విక్రమ్, వెంకట శివ ప్రసాద్, మౌలా తదితరులు పాల్గొన్నారు.
About Author
