ఎంపీటీసీ, జెడ్పీటీసీ ఎన్నికలకు సిద్ధం..
1 min read
ఎన్నికల గురించి వివరిస్తున్న కలెక్టర్ వీరపాండియన్
– వీసీలో ఎస్ఈసీ నీలం సాహ్నికి వివరించిన కలెక్టర్ జి.వీరపాండియన్
పల్లెవెలుగు వెబ్, కలెక్టరేట్: ఎంపీటీసీ, జెడ్పీటీసీ ఎన్నికలు ఎప్పుడు నిర్వహించినా సిద్ధంగా ఉన్నామని, నిష్పక్షపాతంగా నిర్వహిస్తామని కలెక్టర్ జి. వీరపాండియన్ ఎస్ఈసీ నీలంసాహ్నికి వెల్లడించారు. గురువారం సాయంత్రం రాజధాని అమరావతి నుంచి ఎస్ఈసీ నీలం సాహ్ని, చీఫ్ సెక్రటరీ ఆదిత్యనాథ్‌ దాస్, వైద్య ఆరోగ్యశాఖ ముఖ్య కార్యదర్శి అనీల్ కుమార్ సింఘాల్, వైద్య ఆరోగ్యశాఖ కమిషనర్ కాటమనేని భాస్కర్, పంచాయతీ రాజ్ శాఖ కమిషనర్ గిరిజా శంకర్, డీజీపీ గౌతమ్ సవాంగ్ ఇతర ఉన్నతాధికారులు అన్ని జిల్లాల కలెక్టర్లు, ఎస్పీలు, జాయింట్ కలెక్టర్ లు, జడ్పీ సీఈఓలతో త్వరలో జరగనున్న ఎంపీటీసీ, జెడ్పీటీసీ ఎన్నికల సన్నద్ధత పై వీడియో కాన్ఫరెన్స్ నిర్వహించారు. స్థానిక కలెక్టరేట్ ఎన్ఐసి వీడియో కాన్ఫరెన్స్ లో కలెక్టర్ జి వీరపాండియన్, జిల్లా ఎస్పీ డాక్టర్ కె.పక్కీరప్ప, జాయింట్ కలెక్టర్ (ఆసరా మరియు సంక్షేమం) సయ్యద్ ఖాజా మోహిద్దీన్, డి ఆర్ ఓ పుల్లయ్య, జెడ్పీ సీఈఓ వెంకటసుబ్బయ్య, డిపిఓ ప్రభాకర్ రావ్, జిల్లాస్థాయి అధికారులు తదితరులు పాల్గొన్నారు.ఈ సందర్భంగా వీసీలో జిల్లా కలెక్టర్ మాట్లాడుతూ ఎంపీటీసీ, జడ్పీటీసీ ఎన్నికలు ప్రశాంత వాతావరణంలో నిర్వహించేందుకు ప్రణాళికలు సిద్ధం చేసి ఏర్పాట్లు పూర్తి చేస్తున్నామన్నారు. జిల్లాలో గ్రామ పంచాయతీ ఎన్నికలు, మున్సిపల్ ఎన్నికలు ప్రశాంతంగా ఏ విధంగా నిర్వహించామో అదే విధంగా ఎంపీటీసీ, జడ్పిటిసి ఎన్నికలను ప్రశాంత వాతావరణంలో నిర్వహిస్తామన్నారు. ఎన్నికల నోటిఫికేషన్ వచ్చిన వెంటనే కోడ్ పక్కాగా అమలు చేస్తామని జిల్లా కలెక్టర్ ఎస్ఈసీ నీలం సాహ్ని కు వివరించారు.
About Author
