ఎమ్మెల్యే చెంప చెల్లుమ‌నిపించిన రైతు !
1 min read
ప‌ల్లెవెలుగువెబ్ : యూపీ ఎన్నిక‌ల ప్ర‌చారంలో ఆస‌క్తిక‌ర ఘ‌ట‌న జ‌రిగింది. యూపీ బీజేపీ ఎమ్మెల్యే పంక‌జ్ గుప్తా మూడు రోజుల కింద‌ట ఓ విగ్ర‌హావిష్క‌ర‌ణ కార్య‌క్ర‌మంలో పాల్గొన్నారు. ఈ క్ర‌మంలో ఓ రైతు నాయ‌కుడు వేదిక పైకి వ‌చ్చి ఎమ్మెల్యే పంక‌జ్ గుప్తా చెంప మీద కొట్టాడు. దీంతో ఒక్క‌సారిగ అంద‌రూ నిర్ఘాంతపోయారు. అనంత‌రం పోలీసులు రైతు నాయ‌కుణ్ని వేదిక పై నుంచి తీసుకెళ్లారు. ఈ ఘ‌ట‌న సోష‌ల్ మీడియాలో వైర‌ల్ గా మారింది. అనంత‌రం దీని పై ఎమ్మెల్యే పంక‌జ్ గుప్తా ఆస‌క్తిక‌రంగా స్పందించారు. త‌నను చెంప దెబ్బ కొట్టిన వ్య‌క్తి త‌న తండ్రిలాంటి వార‌ని, ప్రేమ‌తో కొట్టారే త‌ప్ప.. వేరే ఉద్దేశంతో కాదని పంక‌జ్ గుప్తా చెప్పుకొచ్చారు. కావాల‌నే కొంద‌రు సోష‌ల్ మీడియాలో వీడియో క‌ట్ చేసి వైర‌ల్ చేస్తున్నార‌ని ఆరోపించారు. దీని పై స‌మాజ్ వాదీ పార్టీ స్పందిస్తూ రైతు కొట్టింది ఎమ్మెల్యే చెంప పై కాదని, యోగిఆదిత్యానాథ్ నిరంకుశత్వం పై అని విమ‌ర్శించింది.
About Author
