కురువలు.. ఉత్తమ ప్రజాప్రతినిధులుగా ఎదగాలి..
1 min read
– మంత్రివర్యులు శంకర్ నారాయణ , ఎంపీ గోరంట్ల మాధవ్
పల్లెవెలుగు వెబ్, ఆదోని: ప్రజలకు నిత్యం సేవ చేస్తూ… రాష్ట్ర ప్రభుత్వానికి మంచి పేరు తీసుకురావాలన్నదే లక్ష్యమన్నారు మంత్రి వర్యులు శంకర్ నారాయణ, ఎంపీ గోరంట్ల మాధవ్. కర్నూలు జిల్లా ఆదోని పట్టణంలోని శ్రీనివాస కళ్యాణ మండపంలో ఆదివారం కురుబ కులస్తుల జెడ్పీటీసీ, ఎంపీటీసీ, ఎంపీపీ మరియు సర్పంచ్ల సన్మాన కార్యక్రమం జరిగింది. కార్యక్రమానికి మంత్రి శంకర్ నారాయణ, ఎంపీ గోరంట్ల మాధవ్, ఆంధ్రప్రదేశ్ రాష్ట్ర కురుబ,కురుమ,కురువ సంఘం అధ్యక్షులు జబ్బల శ్రీనివాసులు,ZP వైస్ చర్మన్ బుజమ్మ , ఆంధ్రప్రదేశ్ కురువ సంఘం రాష్ట్ర ప్రధాన కార్యదర్శి శ్రీ వసికెరీ లింగమూర్తి మరియు రాష్ట్ర సంఘం నాయకులు వసికెరి శివ,బ్యాల నాగేంద్ర, అనంతపురం జిల్లా కురుబ యువత దండు కేశవ ముఖ్య అతిధులుగా హాజరయ్యారు.
ఈ సందర్భంగా మంత్రి శంకర్ నారాయణ, ఎంపీ గోరంట్ల మాధవ్ మాట్లాడుతూ సేవ చేసేందుకు ప్రజలకు అవకాశం కల్పించారని, ఈ అవకాశాన్ని సద్వినియోగం చేసుకోవాలని సూచించారు. కేంద్ర, రాష్ట్ర ప్రభుత్వాలు అమలు చేస్తున్న సంక్షేమ పథకాలను పేదలకు వర్తింపజేయడంలో సఫలం కావాలని వారు ఆకాంక్షించారు. కొత్తగా ఎన్నికైన కురుబ కులస్తుల ప్రజాప్రతినిధులు భవిష్యత్లో మరిన్ని పదవులు పొందాలని ఆశించారు. రాబోవు ఎన్నికల్లో జిల్లాలో కురుబలకు ఎంపీ, ఎమ్మెల్యేల సీట్లు కేటాయించాలని రాజకీయ పార్టీ ప్రజా ప్రతినిధులను ర్రాష్ట్ర సంఘ అధ్యక్షులు జబ్బల శ్రీనివాసులు కోరారు. అనంతరం జెడ్పీటీసీ, ఎంపీపీ, సర్పంచ్లుగా ఎన్నికైన కురుబ ప్రజాప్రతినిధులను ఘనంగా సన్మానించారు. కార్యక్రమంలో టి. పుల్లన్న , కర్నూల్ జిల్లా కురువ సంఘం అధ్యక్షులు దేవేంద్రప్ప, శివన్న గారు, శ్రీ రంగ స్వామి తదితరులు పాల్గొన్నారు.
About Author
