బాల‌కృష్ణ కార్యక్రమానికి.. నాగ‌బాబు, మోహ‌న్ బాబు ముఖ్య అతిథులు !?
1 min read
ప‌ల్లెవెలుగు వెబ్ : వెండితెర‌పై న‌ట సింహంగా కీర్తింప‌బ‌డుతున్న నంద‌మూరి బాల‌కృష్ణ ఇప్పుడు ఓటిటి వేదిక పై అల‌రించ‌డానికి సిద్ధమవుతున్నారు. ఆయ‌న వ్యాఖ్యాత‌గా ప్రముఖ ఓటీటీ వేదిక ఆహాలో ‘అన్ స్టాప‌బుల్ ’ పేరుతో ప్రత్యేక కార్యక్రమం మొద‌ల‌వ్వబోతోంది. ఇప్పటికే ప్రచారం కార్యక్రమాలు మొద‌ల‌య్యాయి. ఈ కార్యక్రమంలో సినీ ప్రముఖుల్ని ఇంట‌ర్వ్యూ చేస్తూ వినోదాన్ని పంచ‌నున్నారు. ఈ షోకు తొలి అతిథి మోహ‌న్ బాబు అని స‌మాచారం. ఇప్పటి వ‌ర‌కు ఎవ‌రితోను పంచుకోని విష‌యాలు ఈ షోలో పంచుకోనున్నారు. సెట్ లో బాల‌కృష్ణతో మోహ‌న్ బాబు దిగిన ఫోటో సంద‌డి చేస్తోంది. మోహ‌న్ బాబు త‌ర్వాత మెగా బ్రద‌ర్ నాగ‌బాబు ఈ షోలో క‌నిపించ‌నున్నార‌ని స‌మాచారం. అయితే.. ఈ విష‌యం పై ఇంకా స్పష్టత లేదు.
About Author
