నారా భువనేశ్వరికి.. ఘన స్వాగతం..
1 min read
కర్నూలు, పల్లెవెలుగు: టీడీపీ అధినేత నారా చంద్రబాబు నాయుడు అరెస్టైన సమయంలో రాష్ట్రంలో కొందరు గుండె నొప్పితో మృతి చెందిన విషయం తెలిసిందే. బాధిత కుటుంబాలను పరామర్శించడంలో భాగంగా మంగళవారం కర్నూలు జిల్లా మంత్రాలయంకు వెళ్తున్న నారా భువనేశ్వరికి ఓర్వకల్లు ఎయిర్ పోర్టు వద్ద జిల్లా టీడీపీ నేతలు ఘన స్వాగతం పలికారు. కర్నూలు జిల్లా టీడీపీ అధ్యక్షుడు బీటీ నాయుడు, మాజీ ఎమ్మెల్యే కోట్ల సుజాతమ్మ, సీనియర్ నాయకులు ఎదురూరు విష్ణువర్ధన్ రెడ్డి, టీడీపీ నాయకులు కొంగతి లక్ష్మినారాయణ, టీడీపీ ఎస్సీ సెల్ ఆర్గనైజింగ్ సెక్రటరి నేషపోగు కిరణ్మయి తదితరులు నారాభువనేశ్వరిని మర్యాదపూర్వకంగా కలిశారు. ఈ సందర్భంగా పుష్పగుచ్చం అందజేసి ఘనస్వాగతం పలికారు. నిజం గెలవాలి కార్యక్రమంలో భాగంగా కర్నూలు జిల్లా పర్యటనకు వచ్చిన నారా భువనేశ్వరి బాధిత కుటుంబీకులను పరామర్శించి… వారికి అండగా నిలుస్తూ… ఒక్కొక్క కుటుంబానికి రూ. 3 లక్షలు చెక్కు అందజేయడం గొప్పవిషయమని టీడీపీ నేతలు పేర్కొన్నారు.
About Author
