నారా లోకేష్ పాదయాత్ర విజయవంతం అవ్వాలి.. టి.జి భరత్
1 min read
పల్లెవెలుగు వెబ్ కర్నూలు: తెలుగుదేశం పార్టీ జాతీయ ప్రధాన కార్యదర్శి నారా లోకేష్ పాదయాత్ర విజయవంతం అవ్వాలంటూ తెలుగు యువత ఆధ్వర్యంలో పూజలు నిర్వహించారు. కర్నూలు నగరంలోని బుధవారపేట కనకదుర్గమ్మ ఆలయంలో చేసిన ఈ పూజల్లో కర్నూలు పార్లమెంటు అధ్యక్షులు సోమిశెట్టి వెంకటేశ్వర్లు, కర్నూలు నియోజకవర్గ ఇంచార్జి టిజి భరత్ పాల్గొన్నారు. ఆలయంలో పూజలు చేశారు. అనంతరం 101 టెంకాయలు కొట్టారు. అనంతరం టిజి భరత్ మాట్లాడుతూ యువగళం పాదయాత్ర చేపట్టడం మామూలు విషయం కాదన్నారు. క్షేత్ర స్థాయిలో ప్రజా సమస్యలు తెలుసుకొని ప్రభుత్వం వచ్చాక వాటిని పరిష్కరించేందుకు లోకేష్ చేపట్టిన ఈ యాత్ర సక్సెస్ అవ్వాలని ప్రార్థించినట్లు తెలిపారు. ఆయనకు సంపూర్ణ ఆరోగ్యం ఉండాలని కోరుతున్నట్లు చెప్పారు. దేశంలో ఇంత భారీ పాదయాత్ర ఎవ్వరూ చేయలేదన్నారు. ఈ కార్యక్రమంలో తెలుగు యువత రాష్ట్ర ఉపాధ్యక్షులు సోమిశెట్టి నవీన్, కర్నూలు పార్లమెంటు అధ్యక్షులు అబ్బాస్, మహిళా నాయకులు, తదితరులు పాల్గొన్నారు.
About Author
