ఆర్యన్ఖాన్కు ఎన్సీబీ కస్టడీ మరోవారం పొడగింపు!
1 min read
పల్లెవెలుగువెబ్, ముంబయి: డ్రగ్స్ వ్యవహారంలో పట్టుబడ్డ ప్రముఖ బాలివుడ్ హీరో షారూక్ తనయుడు ఆర్యన్ఖాన్కు ఎన్సీబీ కస్టడీని 7వ తేదీ దాకా పొడగించిన విషయం తెలిసిందే. అయితే ఇప్పటికే విచారిస్తోన్న నార్కొటిక్స్ కంట్రోల్ బ్యూరో అధికారులు పలు కీలక ఆధారాల మేరకు మరికొద్దిరోజులు ఆర్యన్ను ప్రశ్నించేందుకు ఈనెల 11వ వరకు కస్టడీని పొడగించాలని కోర్టుకు నివేదించారు. దీంతో మరోవారంపాటు ఆర్యన్ ఎన్సీబీ కస్టడిలోనే ఉండే అవకాశం ఉంది. ఈనెల 3న ముంబయి నుంచి గోవా వెళుతోన్న కార్డిలియా క్రూయిజ్ లైనర్ అనే భారీ నౌకలో జరుగుతోన్న రేవ్పార్టీపై ఎన్సీబీ అధికారులు దాడి చేసి డ్రగ్స్ వినియోగిస్తున్న కొందరిని అదుపులోకి తీసుకుని భారీఎత్తున డ్రగ్స్ను స్వాధీనం చేసుకున్న విషయం తెలిసిందే. పట్టుబడ్డ వారిలో షారూక్ తనయుడు ఆర్యన్ ఉండడం తీవ్ర కలకలం రేపింది. ఎన్సీబీ విచారణలో ఆర్యన్ నుంచి కొంత కీలక సమాచారం రాబట్టింది. ఈ క్రమంలో ఆర్యన్కు ఎన్సీబీ కస్టడీ పొడగించినట్టు తెలుస్తోంది.
About Author
