‘కాంట్రాక్ట్’ ఉద్యోగులపై నిర్లక్ష్యం…!
1 min read
ఉద్యోగ భద్రత లేదు… జీతాల పెంపు లేదు..
ప్రభుత్వం ఇచ్చిన హామీ నెరవేర్చాలని డిమాండ్ చేస్తూ.. ఏపీజేఏసీ ఆధ్వర్యంలో ధర్నా
పల్లెవెలుగు వెబ్:ఉద్యోగులు..కాంట్రాక్ట్, ఔట్ సోర్సింగ్ ఉద్యోగులపై రాష్ట్ర ప్రభుత్వం నిర్లక్ష్య వైఖరి వ్యవహరిస్తోందన్నారు ఏపీజేఏసీ అమరావతి కర్నూలు జిల్లా చైర్మన్ గిరికుమార్ రెడ్డి. నగరంలోని ధర్నా చౌక్లో మంగళవారం కాంట్రాక్ట్, ఔట్ సోర్సింగ్ ఉద్యోగుల సమస్యలు పరిష్కరించాలని కోరుతూ… ఉద్యోగ సంఘాలతో కలిసి ఏపీజేఏసీ ఆధ్వర్యంలో ధర్నా నిర్వహించారు. ధర్నాకు సీఐటీయూ జిల్లా , పట్టణ నాయకులు సంపూర్ణ మద్దతు ఇచ్చారు. ఈ సందర్భంగా గిరికుమార్ రెడ్డితోపాటు ఏపీజేఏసీ ప్రధాన కార్యదర్శి కె.వై. కృష్ణ మాట్లాడుతూ.. ప్రభుత్వం అధికారంలోకి వచ్చిన వెంటనే కాంట్రాక్టు ఉద్యోగులను క్రమబద్ధీకరణ చేస్తామని, ఔట్సోర్సింగ్ ఉద్యోగుల జీతాలు పెంచుతామని, వారికి ఉద్యోగ భద్రత కల్పిస్తామని హామీ ఇచ్చి 4 సంవత్సరాలు గడిచినా ఇప్పటి వరకు ఎటువంటి చర్యలు చేపట్టలేదని ఆవేదన వ్యక్తం చేశారు. ప్రభుత్వం ఇచ్చిన మాటనిలబెట్టు కోవాలని, ఉద్యోగుల సమస్యల పరిష్కారంలో ప్రభుత్వం వ్యవహరిస్తున్న నిర్లక్ష్య వైఖరి విడనాడాలని, ఉద్యోగులకు/ విశ్రాంత ఉద్యోగుల కు రావలసిన బకాయిలకు సత్వరమే విడుదల చేయాలని,12 వ వేతన సవరణ సంఘాన్ని ఏర్పాటుచేయాలని,రావలసిన డి.ఏ లను విడుదల చేయాలని,ఉద్యోగుల సమస్యలను పరిష్కరించాలని కోరడం జరిగింది. ఈ కార్యక్రమంలో కాంట్రాక్టు మరియు ఔట్సోర్సింగ్ ఉద్యోగు లు ఏపీజేఏసీ అమరావతి నేతలు నాగరమణయ్య, రవీంద్రారెడ్డి, రామా నాయుడు, సులోచనమ్మ, శోభా సువర్ణమ్మ, లోకేశ్వరి, సూరిబాబు, ప్రతాప్ ఇతర శాఖల కాంట్రాక్ట్ ఔట్సోర్సింగ్ ఉద్యోగులు మరియు పంచాయతీరాజ్ ఇంజనీర్లు,సమగ్ర శిక్ష అభియాన్ ఉద్యోగులు , కె.జి. బి.వి. టీచర్స్ , APPTD ఉద్యోగులు మరియు కాంట్రాక్ట్/ ఔట్ సోర్సింగ్ ఉద్యోగులు పాల్గొన్నారు.
About Author
