ఆదోనిలో కొత్త మున్సిపల్ పార్క్..
1 min read
– అమృత స్కీం..తో సుందరీకరణ
– ప్రారంభించిన ఎమ్మెల్యే సాయి ప్రసాద్ రెడ్డి
పల్లెవెలుగు వెబ్, ఆదోని : కర్నూలు జిల్లా ఆదోని పట్టణంలోని మహవీర్ కాలనీలో రూ.52 లక్షలతో ఏర్పాటు చేసిన కొత్త మున్సిపల్ పార్క్ ను ఎమ్మెల్యే సాయి ప్రసాద్ రెడ్డి బుధవారం ప్రారంభించారు. ఈ సందర్భంగా ఎమ్మెల్యే మాట్లాడుతూ కరోన విపత్కర కాలంలో ప్రజలు ఆరోగ్యంగా ఉండాలన్న సదుద్దేశ్యంతో.. అమృత స్కీం కింద మంజూరైన రూ. 52లక్షలతో కొత్త మున్సిపల్ పార్క్ ఏర్పాటు చేశామన్నారు. ప్రజలు ఉల్లాసంగా… ఉత్సాహంగా.. ఆరోగ్యవంతులుగా ఉండాలని ఆయన ఆకాంక్షించారు. ఆదోని పట్టణ అభివృద్ధిలో భాగంగా బైపాస్ రోడ్డు, మెడికల్ కాలేజి ఏర్పాటు చేస్తున్నామని, త్వరలో పనులు ప్రారంభమవుతాయన్నారు.
సీఎం వైఎస్ జగన్మోహన్ రెడ్డి ఆదోని అభివృద్ధిపై ప్రత్యేక దృష్టిసారించారని ఎమ్మెల్యే సాయి ప్రసాద్ రెడ్డి వెల్లడించారు. కార్యక్రమంలో జయ మనోజ్ రెడ్డి, వైఎస్సార్సీపీ పట్టణ అధ్యక్షుడు దేవా , మున్సిపల్ చైర్మన్ శాంతమ్మ, సీఐ చంద్రశేఖర్ , కౌన్సిలర్ సందీప్ రెడ్డి, ఎస్సై రమేష్ , లక్ష్మి కాంత్ రెడ్డి కాలనీవాసులు తదితరులు పాల్గొన్నారు.
About Author
