ఉద్యోగులకు డీఏ పెంపు నిర్ణయం తీసుకోలేదు
1 min read![](https://i0.wp.com/newsnedu.com/wp-content/uploads/2021/03/pvnews.png?fit=512%2C512&ssl=1)
పల్లెవెలుగు వెబ్ : గత ఏడాది నిలిపివేసిన కేంద్ర ప్రభుత్వ ఉద్యోగుల డీఏ పెంపును పునరుద్ధరిస్తూ ఇప్పటి వరకు ఎలాంటి ఆదేశాలు జారీ చేయలేదని కేంద్ర ప్రభుత్వం స్పష్టం చేసింది. జులై నుంచి డీఏ పెంపును పునరుద్ధరిస్తున్నట్టు సామాజిక మాధ్యమాల్లో ఓ నకిలీ డాక్యుమెంట్ చక్కర్లు కొడుతోందని పేర్కొంది. ఇప్పటి వరకు అలాంటి ఆదేశాలు జారీ చేయలేదని స్పష్టం చేసింది. కరోన నేపథ్యంలో కేంద్ర ప్రభుత్వ ఉద్యోగుల డీఏ పెంపును ఈ ఏడాది జూన్ 30 వరకు నిలిపివేస్తూ గత సంవత్సరం ఏప్రిల్ లో కేంద్రం ఆదేశాలు జారీ చేసింది. దీంతో 50 లక్షల ఉద్యోగులు, 61 లక్షల పించనుదారుల పై ప్రభావం పడింది.