‘వకీల్ సాబ్’ కు నో ప‌ర్మిష‌న్..
1 min read
హైద‌రాబాద్: వకీల్ సాబ్ చిత్రం ట్రైల‌ర్ టాలీవుడ్ రికార్డులు బ్రేక్ చేసి.. కొత్త రికార్డులు నెల‌కొల్పింది. ట్రైల‌ర్ రిలీజ్ సంద‌ర్భంగా ప‌వ‌ర్ స్టార్ అభిమానులు ర‌చ్చ చేశారు. ట్రైల‌ర్ కూడ అభిమానుల అంచ‌నాల్ని అమాంతం పెంచింది. ఈ నేప‌థ్యంలో ప్రీ రిలీజ్ ఈవెంట్ కి అభిమానులు సిద్ధమ‌య్యారు. ఏప్రిల్ 3న ప్రీ రిలీజ్ ఈవెంట్ నిర్వహించాల‌ని చిత్ర బృందం అనుకుంది. అయితే.. పోలీసుల నుంచి షాకింగ్ స‌మాధానం వ‌చ్చింది. ప్రీ రిలీజ్ ఈవెంట్ కు అనుమ‌తి ఇవ్వలేమంటూ పోలీసులు తేల్చిచెప్పారు. కోవిడ్ నేప‌థ్యంలో బ‌హిరంగ ప్రదేశాల్లో స‌భ‌లు, స‌మావేశాల నిర్వహ‌ణ‌కు అనుమ‌తి లేదంటూ జూబ్లీహిల్స్ పోలీసులు తెలిపారు. ఈ ఈవెంట్ నిర్వహ‌ణ‌కు 5 నుంచి 6 వేల మంది హాజ‌ర‌వుతార‌ని జే మీడియా ప్యాక్టరీ ప్రతినిధులు పోలీసుల‌కు రాసిన ప‌ర్మిష‌న్ లెట‌ర్ లో ఉంది. దీంతో ఇంత మందికి అనుమ‌తి ఇవ్వలేమంటూ పోలీసులు తేల్చిచెప్పారు.
About Author
