పార్టీలకతీతంగా.. సంక్షేమ ఫలాలు
1 min read
– ఆదోని ఎమ్మెల్యే సాయి ప్రసాద్ రెడ్డి
పల్లెవెలుగు వెబ్, ఆదోని : రాజకీయం, పార్టీలకతీతంగా సంక్షేమ పథకాలు అందిస్తున్న ఏకైక ప్రభుత్వం… తమదేనని ఆదోని ఎమ్మెల్యే సాయి ప్రసాద్ రెడ్డి అన్నారు. గురువారం వాల్మీకి నగర్కు చెందిన బోయ నాగన్న, బోయ పర్సప్పకు కొత్తగా మంజూరైన వృద్ధాప్య పింఛన్ను ఎమ్మెల్యే అందజేశారు. ఎమ్మెల్యే సాయి ప్రసాద్ రెడ్డి మాట్లాడుతూ గత ప్రభుత్వం వారి కార్యకర్తలకు, నాయకులకు పథకాలు వర్తింపజేసిందని, సామాన్య ప్రజలకు చేసిందేమీ లేదన్నారు. సీఎం వైఎస్ జగన్మోహన్ రెడ్డి ఇచ్చిన మాట ప్రకారం ఆదోనిలో మెడికల్ కళాశాల, బైపాస్ రోడ్డు ఏర్పాటు చేస్తుండటం సంతోషించదగ్గ విషయమన్నారు. ఈ కార్యక్రమంలో వైఎస్సార్సీపీ పట్టణ అధ్యక్షుడు బి దేవ, మాజీ కౌన్సిలర్ సుధాకర్, కన్నా, సచివాలయం సిబ్బంది వీరేష్ , రామకృష్ణ, అన్నమయ్య తదితరులు పాల్గొన్నారు.
About Author
