బడుగు బలహీన వర్గాల ఆశాజ్యోతి ఎన్టీఆర్
1 min read
ఎన్టీఆర్ 28వ వర్ధంతిని ఘనంగా జరుపుకున్న టిడిపి శ్రేణులు
పల్లెవెలుగు వెబ్ పత్తికొండ: బడుగు బలహీన వర్గాల ఆశాజ్యోతి దివంగత మాజీ ముఖ్యమంత్రి ఎన్టీఆర్ అని టిడిపి నియోజకవర్గ ఇన్చార్జి శ్యాం కుమార్ అన్నారు. గురువారం కర్నూలు జిల్లా పత్తికొండలో టిడిపి ఆధ్వర్యంలో ఎన్టీఆర్ 28వ వర్ధంతి వేడుకలు టిడిపి నియోజకవర్గ ఇన్చార్జ్ శ్యాం బాబు నాయకత్వంలో టిడిపి శ్రేణులు ఘనంగా నిర్వహించారు. ముందుగా స్థానిక తెలుగుదేశం పార్టీ కార్యాలయంలో కీర్తిశేషులు నందమూరి తారక రామారావు విగ్రహానికి పూలమాలవేసి నివాళులు అర్పించారు. అనంతరం స్థానిక మార్కెట్ యార్డు దగ్గర ఉన్న ఎన్టీఆర్ విగ్రహానికి ఎన్టీఆర్ ఫ్యాన్స్ తాలూకా అధ్యక్షుడు సీనియర్ న్యాయవాది సురేష్, ఎన్ బి కే ఫ్యాన్స్ టౌన్ ప్రెసిడెంట్ సింగం శ్రీనివాసులు ఆధ్వర్యంలో ఎన్టీఆర్ అభిమానులు భారీ పూలమాలను ఎన్టీఆర్ విగ్రహానికి వేసి నివాళులర్పించారు. ఈ సందర్భంగా టిడిపి నియోజకవర్గ ఇన్చార్జ్ శ్యాం బాబు మాట్లాడుతూ, పేద బడుగు బలహీన వర్గాల అభ్యున్నతి కోసం నందమూరి తారకరామారావు ఎంతో కృషి చేశాడని కొనియాడారు. పేదలకు కూడు, గూడు, గుడ్డ కోసం రెండు రూపాయల కిలో బియ్యం, ఎన్టీఆర్ ఇల్లు, జనతా వస్త్రాలను కల్పించిన మహానుభావుడు నందమూరి తారక రామారావు అని అన్నారు. రాబోయే రోజుల్లో ఎన్టీఆర్ ఆశయాలను కొనసాగిస్తూ, చంద్రబాబు నాయుడు ఆధ్వర్యంలో రాష్ట్రంలో మళ్లీ తెలుగుదేశం పార్టీ జెండా ఎగురవేసేందుకు ప్రతి ఒక్క టిడిపి కార్యకర్త కృషి చేయాలని పిలుపునిచ్చారు.ఈ వర్ధంతి కార్యక్రమంలో స్థానిక టిడిపి నాయకులు బత్తిని వెంకట రాముడు, రామానాయుడు, మనోహర్ చౌదరి, బత్తిని లోకనాథ్, హోసూరు శ్రీనివాసులు, పెద్దహుల్తి తిప్పన్న, ఏం అశోక్ కుమార్, ఎం తిరుపాలు, బీటీ గోవిందు, శ్రీనివాసులు గౌడ్, గోవిందు గౌడ్, మీరా హుస్సేన్, ఉచ్చూరప్పతో పాటు పత్తికొండ నియోజకవర్గం లో అన్ని మండల కేంద్రాలలోని ఆయా మండల నాయకులు, నందమూరి అభిమానులు పెద్ద ఎత్తున పాల్గొన్నారు.
About Author
