‘ఓమిని’సేవలు.. అభినందనీయం
1 min read
– ఎస్పీ కాగినెల్లి ఫక్కీరప్ప
– పోలీసు కుటుంబాల మహిళలకు ఉచితంగా వైద్యపరీక్షలు
పల్లెవెలుగు, కర్నూలు;
పోలీసు కుటుంబాల మహిళలకు ఉచిత వైద్య సేవలు అందించేందుకు ‘ ఓమినీ’ హాస్పిటల్ యాజమాన్యం
ముందుకు రావడం అభినందనీయమని ఎస్పీ కాగినెల్లి ఫక్కీరప్ప అన్నారు. అంతర్జాతీయ మహిళా దినోత్సవం సందర్బంగా సోమవారం జిల్లా ఎస్పీ డాక్టర్ ఫక్కీరప్ప కాగినెల్లి ఐపియస్ ఉత్తర్వుల మేరకు జిల్లా మహిళా పోలీసు సిబ్బందికి , పోలీసు కుటుంబాల మహిళలకు జిల్లా పోలీసు కార్యాలయంలో ఉచిత మెడికల్ క్యాంపు నిర్వహించారు. వైద్య శిబిరాన్ని కర్నూలు ఆర్ముడు రిజర్వుడు అదనపు ఎస్పీ ఎమ్. కె. రాధాక్రిష్ణ ప్రారంభించారు. బి.పి, షుగర్ టెస్ట్, ఈ సిజి, ప్యాప్సి మియర్(PAP SMEAR) , ఫిజిషియన్, కార్డియాలజిస్టు, యూరాలజిస్టు, గైనకాలజిస్టు, ఆర్ధో పెడిక్, జనరల్ సంబంధిత వంటి వైద్య పరీక్షలను నిర్వహించారు. వాటికి సంబందించిన సలహాలు , సూచనలను డాక్టర్లు తెలియజేసి, మెడిసిన్ అందజేశారు. కార్యక్రమంలో టాస్క్ ఫోర్సు డిఎస్పీ రాజీవ్ కుమార్, పోలీసు వేల్పేర్ యూనిట్ హస్పిటల్ డాక్టర్ ఆర్. స్రవంతి , ఒమిని హాస్పిటల్ డాక్టర్లు జి. గోవిందారెడ్డి, పి.అమల, శ్వేత బరద్వాజ్, వి. శ్వేత రెడ్డి, కె. విజయలక్ష్మీ, ఓ. రామ్ పక్కీర, కె. బాస్కర్, శ్రీహరి రెడ్డి, ఎస్. గౌస్ అహమ్మద్, ఆర్. విజయభాస్కర్, ఆర్ఐవియస్. రమణ తదితరులు పాల్గొన్నారు.
About Author
