మొక్కలు నాటడం.. అందరి బాధ్యత :డ్వామా పీడీ
1 min read
పల్లెవెలుగు వెబ్, కర్నూలు: ప్రతిఒక్కరూ మొక్కలు నాటడం బాధ్యతగా భావించాలన్నారు కర్నూలు డ్వామా పీడీ బి. అమర్నాథ్ రెడ్డి. బుధవారం కర్నూలు జిల్లా నీటి యాజమాన్య సంస్థ వారి ఆధ్వర్యంలో సామర్ధ్య పెంపుదల శిక్షణ కేంద్రం ( డీసీబీసీ) లక్ష్మిపురం జగన్నాథగట్టు వద్ద మహాత్మగాంధీ జాతీయ ఉపాధి హామీ పథకం పచ్చదనం ప్రాజెక్టులో భాగంగా మొక్కలు నాటారు. ఈ సందర్భంగా ప్రాజెక్టు డైరెక్టర్ బి.అమర్నాథ్ రెడ్డి మాట్లాడుతూ మానవుల మనుగడకు మొక్కలే జీవనాధారమన్నారు. ఇంటి పరిసరాలు శుభ్రంగా ఉంచుకుంటే… రోగాలు దరిచేరవన్న పీడీ… కోవిడ్ దృష్ట్యా భౌతికదూరం పాటిస్తూ. శానిటైజర్, మాస్క్ ధరించాలన్నారు. డీసీబీసీ లక్ష్మీపురం వద్ద డ్వామా సిబ్బంది 2వేల మొక్కలు నాటారు. కార్యక్రమంలో ఉపాధి హామీ పథకం వాటర్షెడ్ ఏపీడీ సలీంబాష, సిద్ధలింగ, ఏ పీ ఓ లు, ఇంజనీరింగ్ కన్సల్టెంట్లు, టెక్నికల్ అసిస్టెంట్ లు, కంప్యూటర్ ఆపరేటర్లు తదితరులు పాల్గొన్నారు.
About Author
