పేదల గుండె చప్పుడు.. వైఎస్సార్…
1 min read
– ఆదోని ఎమ్మెల్యే సాయి ప్రసాద్ రెడ్డి
పల్లెవెలుగు వెబ్, ఆదోని: ప్రజల సంక్షేమార్థం నిరంతరం శ్రమించి…దివికెగిసిన మహానేత డా. వైఎస్ రాజశేఖర్ రెడ్డి జీవితం… ఎందరికో స్ఫూర్తిదాయకమన్నారు ఆదోని ఎమ్మెల్యే సాయి ప్రసాద్ రెడ్డి. గురువారం దివంగత నేత డా. వైఎస్ రాజశేఖర్ రెడ్డి 12వ వర్ధంతి సందర్భంగా పట్టణంలోని వైఎస్సార్ విగ్రహానికి పూలమాల వేసి నివాళులర్పించారు. అంతకు ముందు వైఎస్సార్సీపీ కార్యకర్తలు, నాయకులు బైక్ ర్యాలీ నిర్వహించారు. అనంతరం ప్రభుత్వ ఆస్పత్రి, జీవన జ్యోతి అనాథ ఆశ్రమంలో పండ్లు, బ్రెడ్లు పంపిణీ చేశారు.
ఈ సందర్భంగా ఎమ్మెల్యే సాయి ప్రసాద్ రెడ్డి మాట్లాడుతూ రైతులు, పేదల శ్రేయస్సు కోసం ఆరోగ్యశ్రీ, జలయజ్ఞం, ఇంటి స్థలాలు, డ్వాక్రా మహిళలకు రుణాలు, రెండు రూపాయిలకే కిలో బియ్యం అందించిన గొప్పనేత డా. వైఎస్సార్ అని కొనియాడారు. తండ్రి బాటలో సీఎం వైఎస్ జగన్మోహన్ రెడ్డి నడుస్తున్నారని, పేదల సంక్షేమార్థం ఎన్నో పథకాలు అమలు చేస్తున్నారన్నారు. తండ్రికి మించిన తనయుడుగా నిరంతరం ప్రజాసేవకే జీవితం అంకితం చేస్తూ … అమ్మ ఒడి, మహిళా చేయూత, ఆటోమిత్ర, విద్యాకానుక తదితర కొత్త పథకాలు అమలు చేస్తున్నారన్నారు. కార్యక్రమంలో వైఎస్సార్సీపీ పట్టణ అధ్యక్షుడు దేవా, చంద్రకాంత్ రెడ్డి , మున్సిపల్ చైర్మన్ శాంతమ్మ , మధుసూదన్, మార్కెట్ యార్డ్ చైర్మన్ భాష, మున్సిపల్ వైస్ చైర్మన్ నర్సింలు, ఎంఎంజి గౌస్ , కౌన్సిలర్ ఫయాజ్, చలపతి, శ్రీలక్ష్మి, రఘు రెడ్డి , రాజేశ్వర్ రెడ్డి , malakar గోవిందు, దుర్గప్ప నగర్ ఊరు చంద్ర రెడ్డి, కిట్టు , గోవింద , మస్తాన్ , మంజుల, క్రాంతి నగర్ నాయకులు పాల్గొన్నారు.
About Author
