‘ మేమంతా సిద్ధం’సభ..పోస్టర్ ఆవిష్కరణ
1 min read
29న ఎమ్మిగనూరులో సీఎం జగన్ పర్యటన
- – వెల్లడించిన మంత్రి పెద్దిరెడ్డి రామచంద్రారెడ్డి
కర్నూలు, పల్లెవెలుగు: సార్వత్రిక ఎన్నికల నేపథ్యంలో ఈ నెలలో సీఎం జగన్ మోహన్ రెడ్డి పర్యటించనున్న బస్సు యాత్రను జయప్రదం చేయాలని పిలుపునిచ్చారు మంత్రి పెద్దిరెడ్డి రామచంద్రారెడ్డి. బుధవారం కర్నూలు నగరంలోని ఓ హోటల్లో కర్నూలు జిల్లా సమన్వయకర్తల సమావేశం నిర్వహించారు. కార్యక్రమానికి ఎమ్మెల్సీ, సీఎం టూర్ కో ఆర్డినేటర్ తలశిల రఘురాం ముఖ్య అతిథిగా విచ్చేశారు. ఈ సందర్భంగా సీఎంపర్యటన వివరాలను పెద్దిరెడ్డిరామచంద్రారెడ్డి వెల్లడించారు. 27న ప్రొద్దుటూరు, 28న నంద్యాల, 29న ఎమ్మిగనూరులో బస్సు యాత్ర నిర్వహిస్తారని, సభకు ‘మేమంతా సిద్ధం’ అని పేర్కొన్నారు. అనంతరం ‘మేమంతా సిద్ధం’ వాల్ పోస్టర్లను ఆవిష్కరించారు. కార్యక్రమంలో మేయర్ రామయ్య, ఎమ్మెల్యే హఫీజ్ఖాన్, మాజీ ఎమ్మెల్యే ఎస్వీ మోహన్ రెడ్డి, ఎమ్మిగనూరు అసెంబ్లీ అభ్యర్థి బుట్టారేణుక, కర్నూలు అసెంబ్లీ అభ్యర్థి ఇంతియాజ్ బాష తదితరులు పాల్గొన్నారు.
About Author
