NEWSNEDU

NEWSNEDU | Telugu Latest News | KURNOOL AP

పొట్టి శ్రీరాములుకు తగిన గుర్తింపు ఇవ్వాలి.. టి.జి భరత్

1 min read

పల్లెవెలుగు వెబ్ కర్నూలు: తెలుగు ప్రజలందరూ ఒకేతాటిపై ఉండటానికి పొట్టి శ్రీరాములు ఎంతో కృషి చేశారని కర్నూలు నియోజకవర్గ తెలుగుదేశం పార్టీ ఇంచార్జి టి.జి భరత్ అన్నారు. నగరంలోని పాత బస్టాండులో వాసవీ ఏజెన్సీస్ ఆధ్వర్యంలో ఏర్పాటుచేసిన చలివేంద్రాన్ని ఆయన ముఖ్య అతిథిగా హాజరై ప్రారంభించారు. పొట్టి శ్రీరాములు జయంతిని పురస్కరించుకుని టిజి భరత్ మాట్లాడుతూ ఆంధ్ర రాష్ట్ర సాధన కోసం ప్రాణ త్యాగం చేసిన గొప్ప వ్యక్తి పొట్టి శ్రీరాములు అని ఆయన సేవలు కొనియాడారు. ఆయన చేసిన త్యాగానికి నేడు తగిన గుర్తింపు రాష్ట్ర ప్రభుత్వం ఇవ్వడం లేదన్నారు. ఇప్పటికైనా ప్రభుత్వం స్పందించి ఆయనకు తగిన గుర్తింపు ఇవ్వాలని కోరుతున్నట్లు చెప్పారు. ఇక వేసవిలో చలివేంద్రాలు ఏర్పాటు చేయడం హర్షించదగ్గ విషయమన్నారు. దాతలు ముందుకు వచ్చి మరిన్ని చలివేంద్రాలు ఏర్పాటు చేసి ప్రజల దాహార్తిని తీర్చాలని చెప్పారు. ఈ కార్యక్రమంలో వాసవీ ఏజెన్సీస్ అధినే శేషఫణి, జగదీష్ గుప్త, రత్న ప్రసాద్, యుగంధర్, శ్రీధర్, తదితరులు పాల్గొన్నారు.

About Author