మూడో ప్రపంచ యుద్ధ నేపథ్యంలో ప్రభాస్ సినిమా
1 min read
ప‌ల్లెవెలుగువెబ్ : ప్రస్తుతం రెబల్ స్టార్ ప్రభాస్ ‘సలార్’, ‘ప్రాజెక్ట్-కె’ షూటింగ్‌ల్లో ఒకేసారి పాల్గొంటున్నాడు. ఈ సినిమాల్లో ‘ప్రాజెక్ట్- కె’ పై భారీ బజ్ ఉంది. ‘మహానటి’ అనంతరం నాగ్ అశ్విన్ దర్శకత్వం వ‌హిస్తున్నారు. ప్రాజెక్ట్ -కె’ లో దీపికా పదుకొణె హీరోయిన్‌గా నటిస్తుంది. అమితాబ్ బచ్చన్ , దిశా పటానీ కీలక పాత్రలు పోషిస్తున్నారు. వైజయంతి మూవీస్ భారీ బడ్జెట్‌తో రూపొందిస్తుంది. ఈ చిత్రాన్ని భారీ స్థాయి యాక్షన్ అడ్వెంచర్‌గా రూపొందిస్తున్నారట. అందువల్ల హాలీవుడ్‌కు చెందిన అనేక మంది యాక్షన్ డైరెక్టర్స్ ఈ మూవీ కోసం పనిచేయబోతున్నారని తెలుస్తోంది. మూడో ప్రపంచ యుద్ధం నేపథ్యంలో ఈ సినిమా కథ ఉండనుందట. ఈ చిత్రంలో ఐదు యాక్షన్ సన్నివేశాలు ఉన్నాయని సమాచారం. ఈ సీన్స్‌ను హాలీవుడ్‌కు చెందిన యాక్షన్ నిపుణులు కొరియోగ్రాఫ్ చేయనున్నారని వార్తలు వెలువడుతున్నాయి.
About Author
