‘ఎనిమీ’… టీజర్కు సిద్ధం
1 min read
సినిమా డెస్క్: ఎన్నో ఏళ్ల తర్వాత హీరో విశాల్ ఆర్యతో కలిసి నటించారు. ‘ఎనిమీ’ టైటిల్‌తో తెలుగు, తమిళం బైలింగ్వల్‌ యాక్షన్‌ ఎంటర్‌‌టైనర్‌‌గా రూపొందిన ఈ చిత్ర షూటింగ్ కంప్లీట్‌ అయ్యిందంటూ తాజాగా విశాల్ సోషల్‌ మీడియాలో ఫోటోలు షేర్‌ చేశారు. ‘ఎనిమీ’ షూటింగ్ పూర్తి చేశాం. త్వరలో టీజర్ విడుదలకు అంతా సిద్ధమవుతోంది. ఇలాంటి లవ్లీ టీమ్ తో వర్క్ చేసినందుకు చాలా హ్యాపీగా ఉంది. ఈ లవ్ లో ప్రాజెక్ట్ లో భాగమైన ఆనంద్ శంకర్ – థమన్ – ఆర్డి రాజశేఖర్ – నిర్మాత వినోద్ కుమార్ మరియు మిగతా నటీనటులు సిబ్బందికి నా ధన్యవాదలు. ఫ్యాబులస్ మూవీలో ఆర్యతో కలిసి మళ్లీ వర్క్ చేసినందుకు చాలా ఆనందంగా ఉంది” అంటూ విశాల్ ట్వీట్ లో పేర్కొన్నారు. దీనికి ‘నోటా’ ఫేమ్ ఆనంద్ శంకర్ డైరెక్టర్‌.ఇది విశాల్ హీరోగా నటిస్తున్న 30వ చిత్రం, ‘గద్దల కొండ గణేష్’ ఫేమ్ మృణాళిని రవి హీరోయిన్ గా నటించింది. విలక్షణ నటుడు ప్రకాష్ రాజ్ ఇందులో కీలక పాత్ర పోషిస్తున్నారు. కాగా ఈ చిత్రంలో విశాల్ హీరోగా నటించగా.. ఆర్య విలన్ గా కనిపించనున్నాడని సమాచారం. బాలా దర్శకత్వంలో ‘వాడు వీడు’ సినిమాలో కలిసి నటించిన విశాల్ – ఆర్య.. పదేళ్ల తర్వాత మళ్ళీ ఇద్దరూ కలిసి నటించారు. ఈ చిత్రాన్ని మినీ స్టూడియోస్ పతాకంపై వినోద్ కుమార్ నిర్మిస్తున్నారు. ఎస్.ఎస్ థమన్ ఈ చిత్రానికి సంగీతం సమకూరుస్తున్నాడు. ఆర్డి రాజశేఖర్ సినిమాటోగ్రఫీ అందిస్తున్నారు. ఈ సినిమాని కూడా తెలుగు తమిళంతో పాటు మరికొన్ని ఇతర భాషల్లో డబ్బింగ్ చేసి విడుదల చేయనున్నారు.
About Author
