చంద్రబాబు అక్రమ అరెస్టుపై వీరబల్లిలో గాంధీజీ సాక్షిగా నిరసన
1 min read
– నిరాహార దీక్షలో టిడిపి నాయకులు సుగవాసి ప్రసాద్ బాబు
పల్లెవెలుగు వెబ్ అన్నమయ్య జిల్లా బ్యూరో: చంద్రబాబు అక్రమ అరెస్టును నిరసిస్తూ సోమవారం గాంధీ జయంతి రోజున అన్నమయ్య జిల్లాలోని రాజంపేట నియోజకవర్గం లోని వీరబల్లి మండల కేంద్రంలోని బస్టాండ్ ప్రాంగణంలో మండల టిడిపి అధ్యక్షులు ఎం. బానుగోపాల్ రాజు ఆధ్వర్యంలో తెలుగుదేశం శ్రేణులు నిరసన వ్యక్తం చేశారు .మొదట గాంధీజీ చిత్రపటానికి పూలమాలవేసి నివాళులర్పించారు .అనంతరం నల్ల బ్యాడ్జి లు ధరించి వైసిపి ప్రభుత్వం వ్యతిరేకంగా పెద్ద ఎత్తున నినాదాలు చేశారు .ఈ సందర్భంగా మండల టిడిపి అధ్యక్షులు భానుగోపాల్ రాజు మాట్లాడుతూ వైసీపీ ప్రభుత్వంలో విధ్వంసం, దౌర్జన్యాలు, అక్రమాలు, హత్యలు, ఆక్రమణలు ,అవినీతి తప్ప ఇక ఏమి లేవన్నారు. జాతిపిత గాంధీజీ కోరుకున్నట్లు ఈ రాష్ట్రంలో శాంతి ఎక్కడ కనుచూపుమేరలో కనిపించడం లేదన్నారు. అన్ని వ్యవస్థలను దుర్వినియోగ పరుస్తూ పోలీస్ శాఖ లోని కొందరు అధికారులను తమ గుప్పెట్లో పెట్టుకుని ప్రతిపక్షాలను అణగదొక్కే ప్రయత్నం చేస్తున్నారని విమర్శించారు .
నిరాహారదీక్ష లో సుగవాసి ప్రసాద్ బాబు
అన్నమయ్య జిల్లా కేంద్రంలోని రాయచోటిలో టిడిపి నాయకులు మాజీ టిటిడి పాలకమండల సభ్యులు సుగువాసి ప్రసాద్ బాబు ఢిల్లీలో చేపట్టిన నారా లోకేష్ గారి నిరాహార దీక్షలకు మద్దతుగా రాయచోటిలో నిరాహార దీక్ష చేపట్టారు.ఈ సందర్భంగా వారు మాట్లాడుతూ చంద్రబాబు మాజీ ముఖ్యమంత్రి నారా చంద్రబాబునాయుడు గారిని అక్రమంగా అరెస్టు చేయడందారుణం అన్నారు.వైసిపి ప్రభుత్వం కక్ష సాధింపు చర్యలో భాగంగా మాజీ ముఖ్యమంత్రిని అరెస్టు చేయడంవైసీపీ ప్రభుత్వం కక్ష సాధింపు చర్యలో భాగంగా మాజీ ముఖ్యమంత్రిని అరెస్టు చేయడంజరిగిందన్నారు.అక్రమ కేసులు ఎన్ని పెట్టిన మా ప్రియతమ మాజీ ముఖ్యమంత్రి నారా చంద్రబాబునాయుడు కడిగిన ముత్యం వలె బయటికి రావడం ఖాయమన్నారు.ఈ కార్యక్రమంలో టిడిపి కార్యకర్తలు ముస్లిం మైనారిటీ నాయకులు, హాజరయ్యారు. వీరబల్లిలో చేపట్టిన నిరసన కార్యక్రమంలో సీనియర్ నాయకులు రామ్మోహన్ రెడ్డి, జయచంద్ర రెడ్డి, గ్రామ కమిటీ అధ్యక్షులు ఆంజనేయ రెడ్డి, ప్రభాకర్ హనాయుడు,తెలుగుయువత జిల్లా కార్యదర్శి నేతి రమేష్ బాబు, రాయ గంగయ్యనాయిడు,బిసి నాయికులు తుమ్మల రమేష్ , వి ఆర్ డి యస్ సురేంద్ర రెడ్డి,వి .ఆంజినేయిలు,రామక్రిష్ణ రాజు,నాగప్ప నాయిడు,,రమణ,రెడ్డయ్య, నరసింహులు తదితరులు పాల్గొన్నారు.
About Author
