కార్మికులకు ఉపాధి భద్రత కల్పించండి
1 min read
– ఆర్సీపీ సీకె మండల కార్యదర్శి ప్రసాద్
పల్లెవెలుగు వెబ్, కడప: ఏడాదికి రెండు కోట్ల ఉద్యోగాలు కల్పిస్తామన్న కేంద్ర ప్రభుత్వం.. ఉన్న ఉద్యోగాలను తొలగిస్తోందని రాయలసీమ కమ్యునిస్టు పార్టీ సీకే దిన్నె మండల కార్యదర్శి ప్రసాద్ అన్నారు. మే డేను పురస్కరించుకుని శనివారం నగరంలోని ఇందిరానగర్లో ఆర్సీపీ జెండాను ఆవిష్కరించారు. ఈ సందర్భంగాఆయన మాట్లాడుతూ దేశంలో, రాష్ట్రంలో పనిచేస్తున్న కార్మికులందరికీ ఉపాధి భద్రత కల్పించాలని, అవుట్ సోర్సింగ్, వివిధ రంగాలలో పనిచేస్తున్న కార్మికులందరినీ పర్మినెంట్ చేయాలన్నారు. కరోనా కోరల్లో చిక్కుకుని ఎక్కువమంది కార్మికులు బలి అయ్యారని, కోవిడ్ కట్టడిలో కేంద్ర, రాష్ట్ర ప్రభుత్వాలు పూర్తిగా విఫలమయ్యాయని ఆరోపించారు. కార్యక్రమంలో కార్మికులు ఉన్నారు.
About Author
