యమ జోరులో ఉన్న పూజ..
1 min read
పల్లెవెలుగు వెబ్ : తెలుగు, తమిళం, హిందీ భాషా చిత్రాలతో ఇటు సౌత్ అటు నార్త్‌లోనూ చక్రం తిప్పేస్తోంది పొడుగు కాళ్ల సుందరి పూజా హెగ్డే. హిందీలో భాయీజాన్, సర్కస్‌ సినిమాల్లో నటిస్తోంది. తెలుగులో మోస్ట్ ఎలిజిబుల్ బ్యాచిలర్, ఆచార్య, రాధేశ్యామ్ మూవీల్లో చేస్తోంది. తమిళంలో విజయ్‌కి జోడీగా ‘బీస్ట్’ చిత్రం నటిస్తోంది. ప్రసుతం ప్రభాస్‌ హీరోగా రాధాకృష్ణ డైరెక్షన్‌లో వింటేజ్‌ లవ్‌స్టోరీగా తెరకెక్కుతున్న ‘రాధేశ్యామ్’ లో తన షూటింగ్ పార్ట్ ఫినిష్ అయిందట. ఇందులో పూజ మ్యూజిక్ టీచర్ ప్రేరణగా కనిపిస్తోంది.
అయితే క్లయిమాక్స్‌ విషాదంగా ముగుస్తుందని, అదే సినిమాకి హైలెట్ అని టీమ్‌ సభ్యులు చెబుతున్నారు. ఈ సినిమా షూటింగ్ పూర్తవడంతో పూజ ‘బీస్ట్’ కోసం చెన్నై చేరిపోయింది. విజయ్ హీరోగా నెల్సన్‌ దిలీప్‌ కుమార్‌ రూపొందిస్తున్న ఈ మూవీ షూటింగ్ ఈ నెల నుంచే ప్రారంభిస్తారట. 20 రోజుల పాటు ఓ స్టూడియోలో సెకెండ్‌ షెడ్యూల్‌కి ప్లాన్‌ చేసారట. ఈ షూట్‌ని పూజ, విజయ్ లపై సాంగ్‌తో మొదలుపెడుతున్నారు. ఇలా వరుస సినిమాలతో యమ జోరు మీద ఉంది పూజా హెగ్డే.
About Author
