పిట్ట గూడే… మాస్క్
1 min read
– తాత ప్లాన్ అదుర్స్
పల్లెవెలుగు వెబ్, మహబూబ్నగర్ : దేశంలో కరోనా కరాళ నృత్యం చేస్తున్న క్రమంలో ఓ వృద్దుడి ప్లాన్… అందరికీ ఆదర్శంగా నిలిచింది. కొందరు మాస్క్ ధరించడానికే సిగ్గు, నిర్లక్ష్యం, అహంకారంతో.. ప్రాణాల మీదకు తెచ్చుకుంటున్నారు. కానీ ఈ తాత మాస్క్ చూస్తే.. ప్రతిఒక్కరూ మాస్క్ ధరించాలనిపించడం ఖాయం. మహబూబ్నగర్ జిల్లా అడ్డాకుల మండలం చిన్న మునుగల్ చేడ్ గ్రామానికి చెందిన ఓ తాత గిజిగాడి పిట్టగూడునే మాస్క్ ధరించాడు. పొలం దగ్గర నుంచి నేరుగా పింఛన్ తీసుకునేందుకు రావడంతో చూపరుల ఆనందానికి హద్దుల్లేకుండా పోయింది. కొందరు తాతతో సెల్ఫీలు తీసుకోగా.. మరికొందరు పిట్టగూడును మాస్కును ఫోటోలు తీసుకుంటున్నారు. తాత పిట్టగూడు మాస్క్.. ప్రస్తుతం వైరల్ అవుతోంది.
About Author
