ఆన్ డ్యూటీలో ‘రామారావు’
1 min read
సినిమా డెస్క్: యమా స్పీడుమీదున్నాడు మాస్‌ మహారాజ రవితేజ. ‘క్రాక్‌’ సూపర్‌ హిట్‌తో తన దూకుడు మరింత పెంచాడు. వరుస సినిమాలను లైన్‌లో పెట్టేస్తున్నాడు. ఓ పక్క రమేష్ వర్మ డైరెక్షన్‌లో ‘ఖిలాడి’ మూవీని కంప్లీట్‌ చేశాడు. మరో పక్క కొత్త దర్శకుడు శరత్‌ మండవతో మూవీ స్టార్ట్‌ చేసేశాడు. రియల్‌ ఇన్సిడెంట్స్‌ ఆధారంగా రూపొందుతున్న ఈ మూవీ రవితేజ కెరీర్‌‌లో 68వ సినిమా. దివ్యాంక కౌశిక్‌ హీరోయిన్. సుధాకర్‌ చెరుకూరి నిర్మాత. రీసెంట్‌గా ఓ గవర్నమెంట్ ఆఫీస్‌లో కూర్చున్న లుక్‌ ఒకటి రిలీజ్‌ చేసి సినిమాపై బజ్‌ క్రియేట్‌ చేసింది మూవీ టీమ్. మూవీకి ‘ఎమ్మార్వో’ టైటిల్‌ అనుకుంటున్నారని ప్రచారం కూడా జరిగింది. ఇప్పుడు ఈ మూవీకి ‘రామారావు ఆన్ డ్యూటీ’ అన్న టైటిల్‌ని ఖరారు చేస్తూ ఫస్ట్‌ లుక్‌ పోస్టర్‌‌ని కూడా విడుదల చేశారు. ఇందులో రవితేజ సింపుల్‌గా, స్టైలిష్గా కనిపిస్తున్నాడు. వెనుక గవర్నమెంట్ ఆఫీసు, రామారావు గవర్నమెంట్ ఆఫీసర్‌‌గా ప్రమాణ స్వీకారం చేస్తూ రాసిన లెటర్ కనిపిస్తున్నాయి. ప్రస్తుతం హైదరాబాద్లో సినిమా షూటింగ్ మొదలైంది. నాజర్, సీనియర్ నరేష్, పవిత్ర లోకేష్, రాహుల్ రామకృష్ణ, మధుసూదన్ రావు, సురేఖవాణి ముఖ్యపాత్రల్లో నటిస్తున్నారు. సామ్ సిఎస్ సంగీతం, సత్యన్ సూర్యన్ సినిమాటోగ్రఫీ అందిస్తున్నారు.
About Author
