‘అమీలియో’లో అరుదైన వైద్యం..

మూత్ర సంచిలో 95 రాళ్ల తొలగింపు

పల్లెవెలుగు వెబ్​: కర్నూలు అమీలియో ఆస్పత్రిలో వైద్యులు అరుదైన శస్త్రచికిత్స చేసి… రికార్డు సృష్టించారు. 89 ఏళ్ల వృద్ధుడి మూత్ర సంచిలో 95 రాళ్లు తొలగించారు. వివరాలు. తెలంగాణ రాష్ట్రం జోగులాంబ గద్వాల జిల్లా  అలంపూర్​ మండలం లింగనహాయి గ్రామానికి చెందిన శేషిరెడ్డి(89) మూత్రంలో విపరీతమైన మంట, మూత్రం రాకపోవడం వలన గత నెల 16న అమీలియో ఆస్పత్రిని సంప్రదించారు.  మూత్రశయ పరీక్షలు నిర్వహించిన మూత్రశయ వ్యాధి నిపుణులు డా. ఆర్​. సతీష్​ కుమార్​ మూత్రసంచిలో రాళ్లు ఉన్నట్లు గుర్తించారు. కోత పరీక్ష ద్వారా శస్ర్తచికిత్స నిర్వహించి.. 95 రాళ్లు, పొడి తొలగించినట్లు డా.ఆర్​. సతీష్​ కుమార్​ వెల్లడించారు. ఇలాంటి అరుదైన శస్త్రచికిత్సను విజయవంతంగా నిర్వహించిన డా. ఆర్​. సతీష్​ కుమార్​ను, వైద్య బృందాన్ని అభినందించారు అమీలియో ఆస్పత్రి మేనేజింగ్​ డైరెక్టర్​ డా. లక్ష్మీ ప్రసాద్​.  ఈ సందర్భంగా ఆస్పత్రి ఎండి. డా. లక్ష్మీప్రసాద్​ మాట్లాడుతూ  ఆస్పత్రిలో కిడ్నీకి సంబంధించిన డయాలసిస్​, డిజెస్టంట్​ మరియు ఇతరత్ర వైద్యసేవలు, శస్త్రచికిత్సలు ఆరోగ్యశ్రీ కింద చేస్తామని, కర్నూలు జిల్లా ప్రజలు ఈ అవకాశాన్ని సద్వినియోగం చేసుకోవాలని కోరారు.

About Author

PALLEVELUGU

See author's posts