‘ గౌరీగోపాల్’లో అరుదైన గుండె ఆపరేషన్
1 min read![](https://i0.wp.com/newsnedu.com/wp-content/uploads/2021/06/12web10621.jpeg?fit=690%2C460&ssl=1)
పల్లెవెలుగు వెబ్, కర్నూలు: ప్రపంచంలోనే అరుదైన శస్తచికిత్స చేశారు కర్నూలు గౌరీగోపాల్ ఆస్పత్రి వైద్యులు. మంగళవారం ఆస్పత్రిలో ఏర్పాటు చేసిన మీడియా సమావేశంలో ప్రముఖ గుండె వైద్య నిపుణులు డా. లక్ష్మణ స్వామి మాట్లాడారు. కడప జిల్లాకు చెందిన గౌస్ మొహిద్దీన్ అనే వ్యక్తి రెండు నెలల నుంచి ఆయాసంతో బాధపడుతుండేవాడు. ఆటో నడుపుతూ జీవనం సాగించే గౌస్ మొహిద్దీన్కు పొగాకు నమిలే అలవాటు ఉండటంతో హార్ట్ ఎటాక్ వచ్చింది. ఈ క్రమంలో వైద్యచికిత్స కోసం గౌరీ గోపాల్ ఆస్పత్రిలో చేరారు. ప్రాథమిక పరీక్ష, వైద్యపరీక్షల అనంతరం గౌస్ మొహిద్దీన్కు మీసో కార్డియా అనే పుట్టుకతో వచ్చే గుండె జబ్బు కూడా ఉందని నిర్ధారించాం. మీసో కార్డియా వల్ల గుండె ఎడమ వైపు తిరిగి.. ఛాతి మధ్యలో ఉంటుంది. దీని వల్ల గుండె వంకరగా తిరిగి ఉంటుంది. ఇటువంటి గుండెకు బైపాస్ సర్జరీ 2016లో మాత్రమే జరిగింది. గౌస్ మొహిద్దీన్ గుండెకు హార్ట్ క్యాబ్స్ ఆపరేషన్ను విజయవంతంగా పూర్తి చేశాం. ఇది ప్రపంచంలోనే రెండవ కేసుగా సగర్వంగా చెబుతున్నాం. సమావేశంలో గౌరిగోపాల్ ఆస్పత్రి సిబ్బంది తదితరులు పాల్గొన్నారు.